शिवसताक्षीमा एमालेले निर्वाचन संयोजन समिति गठन

संवाददाता/ सोमबार, बैशाख १२, २०७९

शिवसताक्षीमा नेकपा एमालेले निर्वाचन संयोजन समिति गठन गरेको छ । प्रदेश कमिटीका सचिवालय सदस्य राजिव घिमिरेको संयोजकत्वमा ३ हजार १ सदस्यीय समिति गठन भएको हो ।

शिवसताक्षी नगरपालिकाको दुधे स्थित पार्टीको निर्वाचन सम्पर्क कार्यालयमा आयोजित कार्यक्रमबाट प्रदेश कमिटी सदस्य भोजकुमारी नेपाल सहसंयोजक, पार्टीका जिल्ला सदस्य डिल्लीरमण खतिवडा सचिव, पार्टीका शिवसताक्षी नगर कमिटीका सचिव कमल नेपाल उपसचिव सहितको निर्वाचन संयोजन समिति गठन भएको नेकपा एमाले शिवसताक्षीले जनाएको छ ।

नेकपा एमालेका झापा निर्वाचन क्षेत्र नम्बर ४ का संघिय सांसद एलपी साँवा लिम्बुको प्रमुख आतिथ्यमा भएको कार्यक्रममा पुर्व सांसद तारासम याङया, प्रदेश कमिटी सदस्य राधाकृष्ण खनाल, राजिव घिमिरे, विद्यार्थी नेता डम्बर अधिकारी लगायतको सहभागिता थियो ।