मेयरको टिकट सुनिश्चित नभएपछि मधेस प्रदेशका एक मन्त्रीले दिइसकेको राजीनामा फेरि फिर्ता लिएका छन्।
मधेस प्रदेशका कानुन, न्याय तथा प्रदेश सभा मामिला मन्त्री प्रमोद यादवले सिरहा नगरपालिकाको मेयरमा चुनाव लड्ने भन्दै शुक्रबार मात्र पदबाट राजीनामा दिएका थिए।
Advertisement
तर, त्यहाँ नेकपा एकीकृत समाजवादी पार्टीलाई मेयर पद नदिने सत्ता गठबन्धनमा निर्णय भएपछि यादवले आइतबार राजीनामा फिर्ता लिएका हुन्।
Advertisement
प्रदेश सभा सचिवालयका सचिव रञ्जित यादवले मन्त्री पदबाट यादवले दिएको राजीनामा प्रदेश सभा सचिवालयमा दर्ता नगरी मुख्यमन्त्री तथा मन्त्रिपरिषदको कार्यालयमा जस्ताको त्यस्तै फिर्ता पठाइएकोले उनलाई राजीनामा फिर्ता लिन सहज भएको प्रतिक्रिया दिए।
