३ बैशाख । झापाको हल्दिवारी गाउँपालिकामा आधारभुत पत्रकारिता तालिम सुरु भएको छ ।
हल्दिवारी गाउँपालिका न्यायीक समितिको सहयोग तथा हल्दिवारी प्रेसक्लबको आयोजनामा ३ दिवसीय तालिमको शनिबार एक कार्यक्रमका बिच न्यायीक समिति संयोजक तथा गाउँपालिकाका उपाध्यक्ष डम्बर बहादुर गिरिले उद्घाटन गरेका हुन् ।
क्लबका अध्यक्ष नेत्र बिक्रम बिमलीको अध्यक्षता रहेको कार्यक्रममा सल्लाहकार नरेश चुडालले स्वागत गरेका थिए।
वडा नम्बर २ स्थित रेडक्रस भवनमा आयोजित तालिममा ४० जनाको सहभागिता रहेको छ ।उद्घाटनको अवसरमा बोल्दै प्रमुख अतिथि गिरिले सिकेका कुरालाई व्यबहारमा उतार्न आग्रह गर्दै ऎन,कानुन लाई बुझ्न र सामाजिक संजाल प्रयोग गर्दा कसैको मान मर्यादाको ख्याल गर्दै हल्दिवारीको समग्र बिकासमा लाग्न युवाहरूलाई आग्रह गरे ।कार्यक्रममै गिरिले उत्कृष्ट काम गर्नेलाई ब्यक्तिगत रुपमा नगद ५ हजार पुरस्कारको घोषणा समेत गरेका छन् ।
तालिमको सहजीकरण पत्रकार गोपाल काफ्ले,मोहन काजी न्यौपाने ,अम्बिका भण्डारी र सरोज पौडेलले सहजीकरण गर्ने अध्यक्ष बिमलीले जानकारी दिए । कार्यक्रमको संचालन याम दंगालले गरेका थिए ।
