११२ औं अन्तर्राष्ट्रिय नारी दिवसको अवसरमा बिर्तामोडका उद्योमि महिलाहरुलाई सम्मान गरिएको छ ।
बिर्तामोड ३ स्थित बिर्ताबजारमा पुर्वेली मजदुर यातायात प्रालीले ६० जनालाई सम्मानपत्र तथा दोसल्लाले सम्मान गरिएको हो ।
बिर्तामोड नगरपालिका उप- प्रमुख पबित्रा महतरा प्रसाईको प्रमुख आतिथ्यता रहेको कार्यक्रममा नगरका श्रमजीवी महिलाहरूको सहभागिता रहेको थियो।
कार्यक्रममा बोल्दै एमाले बिर्तामोड नगरकमिटी अध्यक्ष सुभाष भट्टराईले महिला सहभागीता आफ्नो पार्टीले केन्द्र देखि नै महत्त्व दिएको र यस नगरमा पनि महिलाको सम्मानजनक सहभागितामा जोड दिने बताए ।
प्रमुख अतिथि एवम् उप-प्रमुख प्रसाइले महिलाले अवसर पाएमा गर्ने सक्ने रहेछन् भन्ने स्पष्ट उदाहरण स्थानीयतहमा रहेका जनप्रतिनिधि र सामाजिक अगुवा महिलाको गतिविधिले देखिएको हुनाले अब घरपरिवार संगै समुदायको रुपान्तरणमा सकृयता पुर्वक लाग्न आग्रह गरिन ।
नवीन किशोर बिमलीले संचालन गरेको कार्यक्रम माथी महिला सदस्य सोनि बिमलीले प्रकाश पारेको सचीव गणेश कोइरालाले जानकारी दिए ।
