बिर्तामोड । मङ्गलबार ५७ औं राष्ट्रिय बाल दिवस देशैभरी एकै साथ मनाइ रहदाँ झापाको वितामोडमा पनि अन्तरक्रिया कार्यक्रम गरी मनाइएको छ ।
कोरोना भाइरसको विषम परिस्थितीमा सधै जसो विभिन्न रचनात्मक कार्यक्रम गरी मनाइने बाल दिवस यो पटक भने विद्यार्थी, शिक्षक,अभिभावक, सरोकारवालाबीच अन्तरक्रिया कार्यक्रम गरिएको हो ।
सामान्य अवस्था वा कोभिड महामारी : बाल अधिकार संरक्षण हाम्रो जिम्मेवारी भन्ने मूल नाराका साथ झापाको विर्तामोड नगरका २० बढी विद्यालयका बाल क्लव प्रतिनिधिको सहभागितामा अन्तरक्रिया कार्यक्रम गरी सम्पन्न भएको हो ।
वितामोड नगरपालिकाका प्रमुख शाखा अधिकृत गणेशप्रसाद दाहालको प्रमुख आतिथ्यता रहेको कार्यक्रममा शिक्षा तथा युवा शाखा प्रमुख तिलोचन भण्डारी, सामाजिक विकास शाखा समिति संयोजक सदस्य संगिता शिवा, लगायत बाल अधिकारका विषयलाई प्राथमितामा राख्न जोड दिएको थियो । प्रमुख अतिथि दाहालले बालबालिका र बालक्लबको लागि आवश्यक बजेट र निति तयार गरि रणनीतिक योजनाका साथमा गतिविधिलाई कृयाशिल बनाइने बताए ।
कार्यक्रममा बालबालिका तथा संञ्चार मञ्चका अध्यक्ष सरोज पौडेलले बाल गतिविधि सम्बन्धि कार्य पत्र प्रस्तुत गरेका थिए भने सहभागी विद्यार्थी आदिती राजवंशी , सञ्जन प्रसाई , प्रकृति खरेल , यामुना शिवाकोटी बालक्लब फोकल पर्सन गिताराम आचार्य ,ममता राजबंशी लगाएतले बालअधिकार सम्बन्धी आफ्ना भनाई राखेका थिए ।महिला तथा बालबालिका शाखा संयोजक पुस्पा कार्कीको अध्यक्षता रहेको कार्यक्रमको सञ्चालन डिल्ली दाहालले गरेका थिए।
