३० असार, बिर्तामोड । बिर्तामोड नगरपालिकाले ७५ जना किसान लाई सिचाईको बोरिङ् बितरण गरेको छ। बिर्तामोड नगरपालिका र साहारा नेपाल साकोसको साझेदारी कार्यक्रम अन्तरगत किसानलाई ४० हजारका दरले रकम उपलब्ध गराएको कृषि अधिकृत राजेन्द्र कडरियाले जानकारी दिए । यो बर्ष नगरपालिकाको समन्वयमा २ सय ५ वटा सिचाइ सामाग्री बितरण गरिएको नायब प्राबिधिक सहायक सुजित साहले बताए ।

नगरका १० वटै वडाका किसान लाई कृषि औजार ,सिचाइ मेसिन बीउ बिजन लगायतका सामाग्री बितरण गरे संगै उत्पादनमा वृद्धि हुन थालेको अधिकृत कडरियाले बताए ।
कार्यबाहक नगरप्रमुख नगेन्द्र प्रसाद संग्रौलाको प्रमुख आतिथ्यता रहेको कार्यक्रममा प्रमुख प्रशासकिय अधिकृत गणेश प्रसाद दाहाल, प्रशासन प्रमुख देवराज कार्की , साहारा नेपालका कार्यकारी निर्देशक महेन्द्र कुमार गिरि लगायतको उपस्थिती थियो ।

Advertisement