छिमेकीले सिमाना मिच्छ
देश टुलुटुलु हेरिरहन्छ
यस्तो इमान्दारिता के गर्ने ?

Advertisement

बाउ जुवातास खेल्छ, बेच्छ घरबार
छोरो घरबार जोडिरहन्छ
यस्तो इमान्दारिता के गर्ने ?

नेता कुर्सी बचाउन ब्यस्त
जनता भोकले मरिरहन्छन
यस्तो इमानदारिता के गर्ने ?

छोरो समाजसेवामा ब्यस्त
वृद्धआश्रममा आमा रोइरहन्छिन
यस्तो इमान्दारिता के गर्ने ?

श्रीमान नारीहिंसा रोक्न ब्यस्त
श्रीमति घरभित्र मरिरहन्छिन
यस्तो इमान्दारिता के गर्ने ?
✍ अस्मिता साँखि