२५ बैशाख, झापा । शिवसताक्षी अनलाईन गायन प्रतियोगिता २०७८ सुरु भएको छ । बोलोचोक बिकास समितिको आयोजनामा गत बर्स सम्पन्न भएको अनलाईन गायन प्रतियोगिता २०७७ को सफलता पछि
सिजन २ सुरु गरिएको हो ।
लुकेका प्रतिभालाई उजागर गर्ने उद्देश्यले अनलाईन प्रतियोगिता सुरु गरिएको संयोजक धर्मेन्द्र शाहले जानकारी दिए । पहिलो सिजनको सफलता पछि अझै प्रभावकारी व्यवस्थापनको साथ
यहि बैशाख २३ गतेबाट अनलाईन मार्फत प्रतियोगिता सुरु गरिएको शाहले बताए । प्रतियोगितामा भाग लिएकाहरुले प्रतियोगिता अवधिभर विभिन्न संगितकारहरुसँग संगित सिक्न पनि पाउने भएकाले यसलाई सिक्ने अवसरका रुपमा लिन सक्ने छन ।
नि:शुल्क सहभागी हुन सकिने प्रतियोगिताका लागि www.singing.bobis.org.np मा गएर श्रावन ३२ गते भित्र नाम दर्ता गराउन सकिने आयोजकले जनाएको छ । उक्त मिति भित्र देश तथा विदेशमा रहेका इच्छुक नेपालीहरुले आफ्नो गित रेकर्ड गरेर संस्था लाई भिडियो उपलब्ध गराउनु पर्नेछ। उपलब्ध गराईएको भिडियो अन्य कुनै पेजमा पोस्ट नभएको लोगो बिनाको र इडिट नगरेको हुनुपर्ने आयोजकले जनाएको छ।
