बैशाख १७, काठमाडौं । काठमाडौंमा निषेधाज्ञा उल्ङ्घन गरेको आरोपमा १५ सय जनालाई प्रहरीले होल्ड गरेको छ । विभिन्न स्थानमा बनाइएका होल्डिङ सेन्टरमा उनीहरुलाई होल्ड गरिएको हो । आजमात्रै सानाठूला ९१९ सवारी साधनसमेत होल्ड गरिएको महानगरीय प्रहरी परिसर काठमाडौंका एसएसपी अशोक सिंहले जानकारी दिए ।
होल्ड गरिएका सवारी साँझमात्रै प्रहरीले छाड्दै आएको छ ।
निषेधाज्ञाको पालना गराउन काठमाडौंमा मात्रै ४४ सयभन्दा बढी प्रहरी परिचालन गरिएको एसएसपी सिंहले बताए । उनका अनुसार एक ‘सिफ्ट’मा एक हजार ४६० प्रहरी परिचालन गरिन्छ । तीन ‘सिफ्ट’मा गरेर ४४ सय प्रहरी फिल्डमा खटिने गरेको उनले बताए ।
प्रहरीले निषेधाज्ञामा पास नभएकाहरुलाई समेत कामको प्रकृती हेरेर सहजीकरण गरिरहेको एसएसपी सिंहको भनाइ छ ।
यस्तै काठमाडौंमा कार्यरत १८ जना प्रहरीमा कोरोना संक्रमण देखिएको छ । विभिन्न युनिटमा कार्यरत प्रहरीमा संक्रमण देखिएको हो ।
बाह्रखरी
