झापा । सरकारले मूलुकभर पूर्वनिर्धारीत सबै परीक्षा स्थगित गर्ने निर्णय गरेसँगै झापाको बिर्तामोड नगरपालिकाले वार्षिक परीक्षा कसरी र कहिलेदेखी सञ्चालन गर्ने भन्ने विषयमा छलफल अघि बढाएको छ ।
बिर्तामोडमा आगामी बैशाख २० गतेदेखि वार्षिक परीक्षा सञ्चालन गर्ने तालिका तय थियो ।
मन्त्री परीषद्को बैठकले राजधानी काठमाडौँ सहित देशका १४ वटा जिल्ला र झापाका तिनवटा मूख्य शहरहरु दमक, बिर्तामोड र मेचीनगरका बिद्यालय बन्द गर्ने निर्णय गरेको थियो । मन्त्री परीषद्को निर्णयलाई कार्यान्वयन गर्दै बैशाख १९ गते सम्मका लागी बिर्तामोडका सवै बिद्यालय बन्द गर्न नगरले निर्देशन दिएको थियो ।
तर पछिल्लो समय देशभरका सवै बिद्यालय बन्द गर्ने सरकारी निर्णय भएको भन्ने हल्ला सुनियो , यद्यपी यस बिषयमा कुनै आदिकारीक जानकारी नआएको नगर शिक्षा प्रमुख तिलचन भण्डारीले भन्नुभयो – परीक्षा हुन्छ , तर कसरी र कहिले हुन्छ भन्नेबारे १९ गते अगावै निर्णय हुन्छ । परीक्षाको तयारीमा रहन बिद्यार्थी र बिद्याालयहरुलाई उहाँले आग्रह गर्नुभयो ।
यसअघि बैशाख २० गतेदेखि परीक्षा संचालन गर्नेगरी बिर्तामोडका सामुदायिक तथा संस्थागत विद्यालयहरु वैशाख १९ गतेसम्मका लागि बन्द गरिएको थियो ।
यता , अर्जुनधारा नगरपालिकामा सञ्चालित सम्पूर्ण बिद्यालयहरु अर्को सुचना जारी नभईञ्जेल सम्मका लागी मंगलबारबाट बन्द भएका छन् । नगरमा संक्रमितहरुको संख्या दिन प्रतिदिन बढिरहेकाले यस अवधिमा सञ्चालन हुने परीक्षाहरु पनि सवै स्थगीत भएको नगरप्रमुख हरीकुमार रानाले बताउनुभयो ।
उता , मेचीनगरमा संघिय सरकारको निर्देशन बमोजिम सवै परीक्षा स्थगीत छन् भने सवै बिद्यालयहरु पनी बन्द छन् ।
