झापा । देशभरका विद्यालय चार दिनका लागि बन्द गर्ने सरकारको निर्णयप्रति विरोध जनाउँदै झापाका अधिकाशं विद्यालय संचालन हुने भएका छन् ।
निजि क्षेत्रबाट संचालित संस्थागत बिद्यालयका छाता संगठन प्याव्सन र एन प्याव्सनले आफ्ना मातहतका स्कुल संचालन गर्न निर्देशन दिएका छन् । विद्यालय बन्द गर्ने काम गलत भएको भन्दै तीव्र विरोध समेत भएको छ । लामो समय थलिएको शिक्षा क्षेत्रमा मात्र सरकारको ध्यान गएको देखिन्छ , प्रदुषण फैलाउने काम बालबालिकाले नभएर उद्योग ,यातायातले हो यता कुनै प्रभाव नपर्ने अनि विद्यालयलाई मात्र निशाना बनाउनु नहुने भन्दै सामाजिक संजालमा सरोकारवालाहरुले असन्तुष्टि जनाएका छन् ।सामुदायिक विद्यालयले भने स्थानीय सरकारको कुनै निर्णय आएको छैन, विद्यालय बन्द हुदैन, आफै निर्णय गरेर परिस्थिति अनुसार काम गर्ने विद्यालयहरुले बताएका छन् । यस्तै नेपाल अभिभावक महासंघले आपत्ति जनाएको छ । हचुवाका भरमा सरकारले विद्यालय बन्द गर्ने निर्णय गरेको भन्दै अभिभावक महासंघले आपत्ति प्रकट गरेको हो ।
काठमाडौँ उपत्यकासहित देशका केही जिल्लामा वायु प्रदूषण बढेको भन्दै सरकारले आज चार दिनका लागि देशभरका विद्यालय बन्द गर्ने निर्णय गरेको थियो । नेपाल अभिभावक महासङ्घका अध्यक्ष सुप्रभात भण्डारीले देशभरका शिक्षण संस्था बन्द गर्ने निर्णय असुहाउँदो भएको बताए ।
