आईसीसी क्रिकेट विश्वकप लिग-टु त्रिदेशीय शृङ्खलाका लागि नेदरल्यान्ड्स जाने नेपाली टोलीको बिदाइ गरिएको छ ।

नेपाल क्रिकेट सङ्घ (क्यान) ले आज एक कार्यक्रमका बीच टोलीको बिदाइ गरेको हो ।

Advertisement

लिग-टु क्रिकेट शृङ्खला यही जुलाई २१ देखि ३१ सम्म हुने छ । यो शृङ्खलामा घरेलु टोली नेदरल्यान्ड्स, नेपाल र नामिबिया सहभागी छन् । उद्घाटन खेलमा नेपाल र नामिबिया खेल्ने छन् ।

८ वटा देश सहभागी लिग-टु तालिकामा नेपाल २४ अङ्कसहित पाँचौँ स्थानमा छ भने नेदरल्यान्ड्स ३२ अङ्कसहित तेस्रो र नामिबिया २२ अङ्कसहित सातौँ स्थानमा छ ।

यो शृङ्खलाअघि नेपालले जर्सीमा गएर दुई वटा एकदिवसीय अभ्यास खेल पनि खेल्नेछ । क्यानका अनुसार नेपालले जर्सीमा तयारी क्याम्पसँगै जुलाई १३ मा पहिलो खेल र जुलाई १५ मा दोस्रो खेल खेल्ने छ ।