झापाको बिर्तामोड-५ मा अवस्थित न्यूटन्स एजुकेशन एकाडेमीले अभिभावक शिक्षा कार्यक्रम सञ्चालन गरेको छ ।
तालिमको पहिलो दिन कक्षा ६ देखि १० सम्मका ८०२ जना अभिभावकलाई प्रशिक्षण प्रदान गरिएको छ ।
बालबालिकाको शिक्षा, हेरचाह र सुन्दर भविष्य निर्माणका लागि अभिभावकलाई तालिम प्रदान गरिएको विद्यालयका प्रधानाध्यापक देबेन्द्र हुमागाईंले जानकारी दिए ।
तीन दिनसम्म सञ्चालन हुने तालिम अन्तर्गत शनिबार १ देखि ५ तथा अन्तिम दिन प्राइमेरी कक्षागत रूपमा रहेका विद्यार्थीका अभिभावकलाई प्रशिक्षण प्रदान गरिने विद्यालयले जनाएको छ ।
विद्यालय व्यवस्थापन समिति सदस्य सबिता सुब्बाको अध्यक्षतामा भएको कार्यक्रमको प्रमुख अतिथि बिर्तामोड नगरपालिकाका शिक्षा युवा तथा खेलकुद विकास शाखा प्रमुख तिलचन भण्डारी रहेका थिए ।
उक्त अवसरमा बोल्दै प्रमुख अतिथि भण्डारीले अभिभावक सचेत हुन र बालबालिकाको विकासमा केन्द्रीकृत हुन आग्रह गरेका थिए ।
प्रधानाध्यापक हुमागाईंले स्वागत गरेको तालिमको सहजीकरण प्रशिक्षक डाक्टर रबिन कटुवालले गरिरहेका छन् ।
