झापाको बिर्तामोड-४ स्थित गोमेन्द्र बहुमुखी महाविद्यालयले विद्यार्थीहरुलाई दीक्षित गरेको छ ।
महाविद्यालयले शनिबार बिर्तामोडमा आयोजित कार्यक्रमकाबीच विद्यालयमा बिबिए अध्ययनरत १७ औं ब्याच र बिसिए २१ औं ब्याचका विद्यार्थीहरुलाई दीक्षान्त समारोहमा दीक्षित गरेको हो ।
महाविद्यालयका प्राचार्य तथा प्रमुख डा.रुपक खनालको अध्यक्षतामा भएको कार्यक्रममा मोहनमाया माविका प्रधानाध्यापक शेरबहादुर श्रेष्ठको प्रमुख आतिथ्य रहेको थियो ।
वि.सं.२०५३ सालमा शिक्षासेवी स्व.गणेशप्रसाद खनालले स्थापना गरेको विद्यालयले बिबिएमा २८ जना र बिसिएका ३७ जना गरी जम्मा ६५ जनालाई दीक्षित गरेको छ ।
कार्यक्रमको औचित्यमाथि प्रकाश डा.खनालले पारेको कार्यक्रममा प्रमुख अतिथि श्रेष्ठ, वीरता लेडी जेसीजकी संस्थापक अध्यक्ष शारदा रिजाल, नेपाल रेडक्रस सोसाइटी झापा सभापति लोकराज ढकाल, शिक्षक तथा विद्यार्थीहरुले शुभकामनासहित आ-आफ्नो धारणा राखेका थिए ।
सोही कार्यक्रमकाबीच महाविद्यालयका कर्मचारी अर्थात चालक रामप्रसाद खरेल(राजन)लाई नगद ७ हजार ७ सय ७७ रुपैयाँसहित सम्मानसमेत गरिएको थियो ।
महाविद्यालयकी सह-प्राचार्य सरु भुर्तेल खनालले स्वागत गरेको कार्यक्रमको सञ्चालन शिक्षक शेखर पाण्डेले गरेका थिए ।
