झापाको भद्रपुर नगरपालिका वडा नं.९ पोकापाडास्थित बालज्योति प्रतिष्ठान अंग्रेजी स्कुलमा अभिभावक भेला तथा पुरस्कार वितरण कार्यक्रम बिहीबार सम्पन्न भएको छ ।
विद्यालय व्यवस्थापन समितिका अध्यक्ष सत्यनारायण तायलको अध्यक्षतामा भएको कार्यक्रमको प्रमुख अतिथि भद्रपुर-९ का वडाध्यक्ष रामप्रसाद दाहाल रहेका थिए ।
कार्यक्रममा विद्यालय स्थापनामा योगदान पुर्याउने व्यक्तित्वहरू बद्रीप्रसाद उप्रेती, चुडामणी मैनाली, धनपती उप्रेती, बिष्णुप्रसाद शिवाकोटी र रंगवीर राईलाई सम्मानपत्रद्वारा सम्मान गरिएको थियो ।
त्यस्तै उत्कृष्ट विद्यार्थीहरूलाई समेत सम्मान गरिएको थियो । उनीहरूमा थप उत्साह र प्रेरणा बढेको अभिभावकहरूले बताएका छन् ।
स्वागत गित सञ्चालक पवित्रा ओलीले प्रस्तुत गरेको कार्यक्रममा अभिभावक, शिक्षक, सरोकारवाला तथा विद्यार्थीहरूको उत्साहजनक उपस्थिति रहेको थियो ।
विद्यालयका सञ्चालक सरोज पौडेलले विद्यालयको शैक्षिक प्रगति, भावी योजना तथा विद्यार्थीहरूको समग्र विकासका विषयमा जानकारी गराएको कार्यक्रमको सञ्चालन विद्यालयका कार्यकारी प्रमुख लबकुश गौतमले गरेका थिए ।
वि.सं.२०५७ सालमा स्थापना भएको विद्यालय हाल नयाँ व्यवस्थापनले सम्हालेको छ ।
