झापाको बिर्तामोडमा अवस्थित इर्डन गार्डन एजुकेशन फाउण्डेशनले बिहीबार एसईईका विद्यार्थी र अभिभावकबीच सहभोजको आयोजनासहित फेरि भेटौँला कार्यक्रम सम्पन्न गरेको छ।
विद्यालयका संस्थापक प्रिन्सिपल मोहन आचार्यको अध्यक्षतामा भएको कार्यक्रमको प्रमुख अतिथि बालबालिका तथा सञ्चार मञ्च झापाका अध्यक्ष सरोज पौडेल रहेका थिए ।
उक्त कार्यक्रममाा सञ्चारकर्मी भरतराज प्रसाई, विद्यालय सहायक प्रिन्सिपल खेमराज आचार्य, विद्यालय सिईओ महिप आचार्य, अभिभावक भवानीप्रसाद दङ्गाल लगायतको आतिथ्यता रहेको थियो ।
विद्यालयले विद्यार्थीको सफलतामा अभिभावकको महत्त्वपूर्ण भूमिका रहने कुरालाई मनन गर्दै अभिभावक र विद्यार्थी दुवैलाई सामूहिक रूपमा सम्मान गरिएको थियो । अभिभावक दङ्गालले विद्यालयमा हाल ११/१२ मा म्यानेजमेन्ट विईथ कम्प्युटर साइन्समा पठनपाठन भईरहेको भएतापनि यसलाई विषय थपेर विद्यार्थीलाई विद्यालयमा नै रहने वातावरण बनाउनु पर्ने बताएका थिए ।
कार्यक्रममा बोल्दै प्रमुख अतिथि पौडेलले विद्यार्थीलाई संस्कारसहितको र व्यवहारिक शिक्षा दिन अभिभावकलाई कक्षा ११ मा निर्धक्क नानीहरुलाई भर्ना गर्न अनुरोध गरेका थिए ।
प्रिन्सिपल मोहन आचार्यले सम्पूर्ण अभिभावकको पहुँच पुग्ने गरी विद्यालयले ११/१२ का लागि विशेष कार्यक्रम सञ्चालन गरिने प्रतिबद्धता जनाएका छन् ।
विद्यार्थीको चौतर्फी विकासमा विद्यालय र शिक्षक निरन्तर लागेको र ११/१२ मा खेलकुदलाई विशेष प्राथमिकता दिएर विद्यालयले योजना तर्जुमा गर्ने विद्यालयका सहायक प्रिन्सिपल खेमराज आचार्यले जानकारी दिए ।
कार्यक्रममा विद्यार्थी सग्यान गौतम, प्राञ्जल पोख्रेल, गोमा मैनाली, साम्योग पुन लगायत विद्यार्थीले आफ्नो विद्यालय जीवनको अनुभव सुनाउँदै भावनात्मक बनाएको कार्यक्रमको सञ्चालन विद्यालय संयोजक गीताराम आचार्यले गरेका थिए ।
