झापाको बिर्तामोड-६ स्थित बेस्ट फ्युचर स्कुलले कक्षा ४ का विद्यार्थीहरूलाई विदाई गर्दै दीक्षान्त समारोह सम्पन्न गरेको छ ।
सिटी सेन्टरको सभाहलमा आयोजित कार्यक्रममा युकेजीबाट कक्षा १ मा उक्लिएका विद्यार्थीहरूलाई प्रमाणपत्र प्रदान गरी दोसल्ला ओढाएर सम्मान गरिएको थियो।
विद्यालय व्यवस्थापन समितिका अध्यक्ष सुरेन्द्र खरेलको अध्यक्षतामा भएको कार्यक्रममा प्याब्सन बिर्तामोड नगर कमिटीका सह-कोषाध्यक्ष तथा कञ्चन अङ्ग्रेजी माध्यमिक विद्यालयका प्रधानाध्यापक दीपक चम्लागाईं प्रमुख अतिथि रहेका थिए ।
कार्यक्रममा विद्यालयकी प्रिन्सिपल पूजा दाहालले अतिथिहरूलाई स्वागत गर्दै साना नानीहरूलाई विदाई गर्दा भावुक भएको बताइन् ।
प्रमुख अतिथि दीपक चम्लागाईंले बेस्ट फ्युचर स्कुलले विद्यार्थीहरूको हौसला बढाउने उद्देश्यले युकेजीबाट कक्षा १ मा उक्लिएका विद्यार्थीहरूलाई सम्मान गर्ने नयाँ अभ्यासको थालनी गरेको बताए ।
कार्यक्रममा विद्यालय व्यवस्थापन समितिका सदस्य रेसिका आचार्य लगायतले शुभकामना मन्तव्य राख्दै दीक्षित कक्षा ४ का विद्यार्थीहरूको असल संस्कार र स्वभाव विद्यालयले सधैं स्मरण गरिरहने बताएका थिए ।
