झापाको कनकाई नगरपालिका-७ मा अवस्थित फक्ताङलुङ एजुकेशन फाउन्डेसनले कलम चौतारी कार्यक्रम सम्पन्न गरेको छ ।
पिईएफ रिडर्स क्लब र डिपिएल कनकाईको आयोजना तथा विद्यालयको व्यवस्थापनमा भएको कार्यक्रममा कक्षा १ मा अध्ययनरत बालबालिकाले तयार पारेका साहित्यिक सामाग्रीलाई प्रस्तुत गराइएको थियो ।
बाल सर्जकहरुको साहित्यिक संगम तथा लेखन अनुभवको खुल्ला मञ्च अन्तरगत ४६ जना बालबालिकाले आ-आफ्नो साहित्य शृजना प्रस्तुत गरेका विद्यालयका प्रधानाध्यापक ओम बिक्रम नेम्बाङले जानकारी दिए ।
लिङ्कन मन्टेश्वरी बिर्तामोडका विद्यालयका विद्यार्थीको समेत सहभागिता रहेको कार्यक्रममा डिपिएल नेपालका अध्यक्ष दुर्गाप्रसाद खतिवडा, वरिष्ठ उपाध्यक्ष गुणराज गिरी, दुर्गा नेम्बाङ, रिजन तिम्सिना लगायतको आतिथ्यता रहेको थियो ।
बालमैत्री विद्यालयको रुपमा परिचित फक्ताङलुङ अध्ययनसहित अतिरिक्त क्रियाकलापमा समेत अब्बल विद्यालय रहेको छ ।
