झापाको बिर्तामोडमा अवस्थित प्रशान्ति एजुकेसन फाउन्डेसनको वार्षिक खेलकुद प्रतियोगिता शुक्रबार सम्पन्न भएको छ ।
१८ औँ वार्षिकोत्सव सांस्कृतिक कार्यक्रम गरेर मनाएको विद्यालयले १९ औँ वार्षिकोत्सव भने खेलकुद प्रतियोगिता आयोजना गरेर मनाएको हो ।
गत आइतबारबाट सुरु भएको खेलकुद प्रतियोगितमा कक्षा नर्सरीदेखि १० सम्मका विद्यार्थीहरुले चकलेट रेस, स्लो साइकल रेस, स्पोन रेस, मेतमेतिकल रेस लगायतका विभिन्न विधामा सहभागिता जनाएका थिए ।
विद्यालयमा हाल ४१० विद्यार्थी अध्ययनरत तथा ४२ जना शिक्षक र कर्मचारी कार्यरत रहेको विद्यालयका संस्थापक प्रिन्सिपल रहमत अन्सारीले जानकारी दिए ।
विद्याथीहरुलाई दिनुपर्ने सबै सुविधा दिएर दक्ष तथा गुणस्तरीय तरिकाले अध्ययपन गराइरहेको साथै आगामी शैक्षिक सत्रदेखि डान्स क्लब, म्युजिक क्लब, कराँते क्लब, आर्ट एण्ड कार्पिङ, कुकिङ, संस्कार, सिप तथा प्राविधिक शिक्षा प्रदान गर्ने आयोजना रहेको संस्थापक प्रिन्सिपल अन्सारीले बताए ।
वार्षिक खेलकुद प्रतियोगिताको समापन समारोहको उद्धाटन प्रमुख अतिथि ज्येष्ठ नागरिक विष्णुमाया भट्टराई र राम्री माया नेपालले संयुक्त रुपमा गरेको कार्यक्रमको सञ्चालन विद्यार्थी सोफिया मगरले गरेकी थिइन् ।
