झापाको बिर्तामोड-५ स्थित टावर टेम्पल स्कूलको २९ औं वार्षिकोत्सव विविध कार्यक्रमकाबीच सम्पन्न भएको छ ।
विद्यालयका निर्देशक राजिव धिमालको अध्यक्षतामा भएको वार्षिकोत्सवको बिर्तामोड नगरका शिक्षा अधिकृत लासाङ तामाङले पानसमा दिप प्रज्वलन गरेर गरेकी थिइन ।
कार्यक्रममा अरदिमनगण चारआलीका सेनानी प्रवेश खड्का, सहायक सेनानी भिमप्रसाद ढकाल, नेपाल पत्रकार महासंघ झापाका अध्यक्ष एकराज गिरी, विरता जेसिजका अध्यक्ष एलसी श्रेष्ठ, झापा गोल्डकप अध्यक्ष केदार गिरी, वरिष्ठ उपाध्यक्ष गजेन्द्र पौडेल, झापा जिल्ला ओैषधि ब्यवसायी संघका अध्यक्ष जीवन खड्का, लोत्से इंग्लिस स्कुलका धनराज मगर लगायतको आतिथ्यता रहेको थियो ।
कार्यक्रममा विद्यार्थीले विभिन्न पहिचान झल्कने नृत्य समेत प्रस्तुत गरेका थिए । आजबाट सुरू भएको अन्तर सदन खेलकुद प्रतियोगितामा फुटबल, बास्केटबल कक्षा ८,९,१०, भलिबल छात्र र छात्रा ६,७,८,९,१० का टेबलटेनिस लगायतका खेलहरू हुने बताइएको छ ।
त्यस्तै कक्षा नर्सरीदेखि अन्य कक्षाका बिद्यार्थीले चक्लेट रेस, बेलुन फुटाई, सिनियर फुटसल, सट रेस, साँस्कृतिक लगायतका प्रतियोगिता गर्ने स्कुलले जनाएको छ । खेलकुद प्रतियोगिता माघ २३ गते समापन हुनेछ ।
उद्घाटन कार्यक्रममा मनोरञ्जनका लागि अभिभावकबीच महिलाका लागि म्युजिकल चियर, पुरूषतर्फ हण्डि फुटाई प्रतियोगिता समेत गरिएको विद्यालयका खेल संयोजक बिबेक धिमालले जानकारी दिए ।
