झापाको बिर्तामोड-७ निवासी शिक्षासेवी खिलनाथ शिवाकोटीलाई गोपीकृष्ण स्मृति पुरस्कार वितरण गरिएको छ ।
गोपीकृष्ण स्मृति प्रतिष्ठान बिर्तामोड-४ ले स्वर्गिय गोपीकृष्ण खनालको ७९ औँ जन्मजयन्ती तथा तेस्रो गोपीकृष्ण स्मृतिमा आज गोमेन्द्र बहुमुखी महाविद्यलयको सभाहलमा एक कार्यक्रमकाबीच शिवाकोटीलाई पुरस्कार वितरण गरिएको हो ।
उनलाई ५० हजार ५ रूपैंया नगदसहित, सम्मानपत्र र दोसल्ला अर्पण गरिएको थियो । कार्यक्रमका प्रमुख अतिथि राष्ट्रिय सभा सदस्य तथा सामाजिक व्यक्तित्व गोपालकुमार बस्नेत र प्रतिष्ठानको संरक्षक रूपादेवी खनालले सम्मान गरेका हुन् ।
प्रतिष्ठानका उपाध्यक्ष सरू भुर्तेल खनालको अध्यक्षतामा भएको कार्यक्रममा प्रमुख अतिथि बस्नेत, साहित्यकार केशव आचार्य, सम्मानित व्यक्तित्व शिवाकोटी लगायतले शुभकामना मनतव्य राखेका थिए ।
सचिव तिर्थ सिग्देलले कार्यक्रमको औचित्य माथि प्रकाशसहित स्वागत गरेको कार्यक्रमको सञ्चालन सल्लाहकार डा.पुण्यप्रसाद सिग्देलले गरेका थिए ।
