गृष्मा भट्टराईले २१ औं जन्मोत्सव बालगृहका बालबालिकाहरुसँग मनाएकी छिन् ।
उनले झापाको अर्जुनधारा-११ मा अवस्थित बन्दी सहायता नेपालद्वारा सञ्चालित मनमाया, गंगाआमा र जगल गार्डेन ब्वाइज होमका तथा जुनकीरी आधारभूत विद्यालय बालबालिकासँग मनाएकी हुन् ।
उनले ८१ जना विद्यार्थीहरुलाई ३ महिनाका लागि स्टेशनरी साथै खेलकुद सामग्रीहरु फुटबल, भलिबल, लुडो, चेस, स्पिकिङ्ग, क्यारेमबोड तथा जाडोका लागि मोजा र टोपी प्रदान गरेकी हुन् ।
उनले विद्यार्थीहरुलाई ननभेज खाना र फलफूल खुवाएकी थिइन् । कार्यक्रममा विद्यार्थीहरुले अत्यन्तै सुन्दर नृत्य प्रस्तुत गरि रमाइलो गराएका थिए । कारागारमा रहेका अभिभावक एवम् अत्यन्तै बिपन्न बालबालिकाहरुसँग बसि यसरी रमाइलो साथ आफ्नो जन्मोत्सव मनाउन पाउँदा अत्यन्तै खुसी भएको बताइन् । उनले करिब चालीस हजार बराबरको सामग्री हस्तान्तरण गरिएको बताएकी छन् ।
उक्त अवसरमा संस्थापक रिता राई राना, बन्दी सहायता नेपाल झापा शाखाकी कोषाध्यक्ष अम्बिका गुरुङ, शिक्षक अनुजा क्षेत्री, प्रज्वल कुवर, उज्वल आचार्य लगायतले जन्मोत्सव एवम् सहयोगको लागि धन्यवाद व्यक्त गरेका थिए ।
शिक्षक गिता खरेलले स्वागत गरेको कार्यक्रमको सहजीकरण प्रधानाध्यापक रन्जित परियारले गरेका थिए ।
