झापाको मेचीनगर-१२ कालिझोडामा अवस्थित कालिका आधारभूत विद्यालका १२० जना विद्यार्थीहरुलाई जुत्ता र मोजा वितरण गरिएको छ ।
कालिझोडा निवासी स्वर्गीय पिता लक्ष्मीप्रसाद दाहाल र वहाँकै माहिला सुपुत्र स्वर्गीय अमिरप्रसाद (भोजराज) दाहालको स्मृतीमा स्थापना गरिएको लक्ष्मी अमिर स्मृती अक्षय कोषद्वारा ११ औ वार्षिक पुण्य तिथिको अवसरमा जुत्ता र मोजा वितरण गरिएको हो ।
सोही अवसरका बीच सर्वोत्कृस्ट विद्यार्थी, सर्वोत्कृस्ट शिक्षक, सर्वोत्कृस्ट शिक्षिका र सर्वोत्कृस्ट विद्यालय व्यवस्थापन समिति सदस्यलाई सम्मानपत्रसहित सम्मान गरिएको थियो ।
मेचिनगर-१२ का वडाध्यक्ष मधुसुधन निरौलाको प्रमुख आतिथ्यतामा भएको कार्यक्रममा अर्जुनधारा-१० का वडाध्यक्ष भुपेन्द्र न्यौपाने, विद्यालय व्यवस्थापन समितिका अध्यक्ष पदम सुनुवार, प्रधानाध्यापक बालक बन्धु रिजाल, कोषका संस्थापक श्रीमती संरक्षक जानुका देवी दाहाल, छोरा गोविन्द दाहाल, छोरा रेवत दाहाल, बुहारीहरु क्रमश: सीता दाहाल, जुनु दाहाल, छोरीहरु निर्मला भण्डारी, भिमा खतिवडा र राधा सुवेदी, ज्वाइँहरु पुष्प भण्डारी, कमल खतिवडा, विद्यालयका शिक्षकहरु लगायतको उपस्थिति रहेको थियो ।
अक्षयकोष संरक्षक गोविन्द दाहालले लक्ष्मी अमिर स्मृती अक्षय कोषलाई लक्ष्मी अमिर स्मृती प्रतिष्ठानको रुपमा स्थापित गर्दै अक्षय कोषलाई प्रतिष्ठान अन्तर्गत राखेर लैजाने र प्रस्तावित प्रतिष्ठानले समाजका विभिन्न क्षेत्रमा कार्य गर्दै समाजसेवाकै क्षेत्रमा परिवारका सदस्यहरुसहित समाजका सामाजिक व्यक्तित्वहरु समेत अटाउन सक्ने संस्थाको रुपमा स्थापित गरिने लक्ष्य रहेको जानकारी दिए ।
अक्षयकोष दाता सदस्य रेवत दाहालले संस्थालाई वैधानिकता दिने कार्य अगाडि बढिरहेको जानकारी गराउनुका साथै संस्थाको औचित्य र महत्व बारेमा प्रस्ट पारेका थिए ।
