नेकपा (एमाले) को ११ औं राष्ट्रिय महाधिवेशनमा जाने प्रतिनिधिका लागि झापामा १४८ जनाले उम्मेदवारी दर्ता गराएका छन् ।
झापाबाट ३८ जना प्रतिनिधिका लागि १४८ जनाले उम्मेदवारी दर्ता गरेको पार्टीका कार्यालय सचिव छविलाल विश्वकर्माले जानकारी दिए ।
झापाबाट ११ औं राष्ट्रिय महाधिवेशनमा खुल्लाबाट १९ जना, महिला १२, युवा पाँच र दलित दुई जना प्रतिनिधि सहभागी हुने विश्वकर्माले जानकारी दिएका हुन् । उनका अनुसार खुल्लामा १०२ जना, महिला ४२, युवा ३३ र दलितमा सात जनाले उम्मेदवारी दर्ता गराएका हुन् ।
झापा क्षेत्र नं.१ को खुल्लामा ३ जनाका लागि ६, महिलामा २ जनाका लागि ३, युवामा १ जनाका लागि ४ जनाले उम्मेदवारी दिएका छन् ।
यस्तै क्षेत्र नं.२ को खुल्लामा ५ जनाका लागि ३३, महिलामा ३ जनाका लागि ६, युवामा १ जनाका लागि ९ जनाले उम्मेदवारी दिएका हुन् ।
त्यस्तै क्षेत्र नं.३ को खुल्लामा ३ जनाका लागि १३, महिलामा २ जनाका लागि ५, युवामा १ जनाका लागि ७ जनाले उम्मेदवारी दिए ।
त्यसैगरी क्षेत्र नं.४ को खुल्लामा ४ जनाका लागि १०, महिलामा २ जनाका लागि ४, युवामा १ जनाका लागि २ जनाले उम्मेदवारी दिएका छन् ।
त्यस्तै क्षेत्र नं.५ को खुल्लामा ४ जनाका लागि २१, महिलामा ३ जनाका लागि १२, युवामा १ जनाका लागि ६ जनाले उम्मेदवारी दिएका छन् ।
नेकपा एमाले झापाका निर्वाचन विभाग प्रमुख दिपेन्द्र लम्सालले अधिकतम सहमतिबाट प्रतिनिधि टुंगो लगाउने जानकारी दिए ।
