एनपीएलमा साविक विजेता जनकपुर काठमाडौँसँग स्तब्ध

संवाददाता/ सोमबार, मङि्सर ०२, २०८२

काठमाडौँ गोखार्जले दोस्रो संस्करणको नेपाल प्रिमियर लिग (एनपीएल) क्रिकेटमा विजयी सुरुआत गरेको छ ।

साविक विजेता जनकपुर बोल्ट्सले दिएको एक सय ३१ रनको लक्ष्य पछ्याएको काठमाडौँले १८ ओभरमा ५ विकेट गुमाएर भेटाएको हो ।

काठमाडौँका बेन चाल्र्सवर्थले ४६, आकाश त्रिपाठीले ३९ र मिलिन्द कुमारले १९ रन बनाए । जनकपुरका ललित राजवंशी, निकोल लोफ्टी इटन, सन्जय कृष्णमूर्ती, किशोर महतो र अनिल साहले समान एक विकेट लिएमन थिए ।

त्यसअघि कीर्तिपुरको त्रिवि क्रिकेट मैदानमा टस हारेर ब्याटिङ गरेको जनकपुरले २० ओभरमा ६ विकेट गुमाएर १ सय ३० रन बनाएको थियो । जनकपुरका आसिफ शेखले ५४, मयन यादवले अविजित ३४ रन बनाए । काठमाडौँका मिलिन्द कुमारले ३ विकेट लिएका थिए ।

आजदेखि सुरू भएको एनपीएलको फाइनल खेल मङ्सिर २७ गते हुनेछ ।