स्पिनर ललित राजवंशीलाई मातृशोक परेपछि उनको स्थानमा साहब आलम अस्ट्रेलिया जाने भएका छन् ।

ललितको आमा शुभो राजवंशीको आइतबार निधन भएको हो । जसका कारण ललित गृह जिल्ला मोरङ प्रस्थान गरिसकेका छन् ।

Advertisement

शुभो लामो समयदेखि मुटुसम्बन्धी रोगबाट पीडित थिइन् । यसैकारण ललितको स्थानमा साहब राष्ट्रिय टिममा परेका हुन् ।

यसैबीच नेपाल क्रिकेट संघ (क्यान) ले अस्ट्रेलिया जाने नेपाली टिमको आज बिदाइ गरेको छ । नेपाली अस्ट्रेलियामा टप एन्ड टी-२० श्रृंखला खेल्ने तालिका छ । यो प्रतियोगिता अगस्ट १४ देखि २४ सम्म हुनेछ ।