झापा । बिर्तामोड उद्योग वाणिज्य संघको भोलि (आइतबार )हुने निर्वाचनमा संयुक्त व्यावसायिक प्यानल बलियो देखिएको छ ।
एकजनाले मात्रै स्वतन्त्र उम्मेद्वार दिएको सो निर्वाचनमा नेपाली कांग्रेस समर्थक व्यवसायीहरुको लोकतान्त्रिक प्यानल र नेकपा–राप्रपा गठबन्धनको सुवास भट्टराई नेतृत्वको प्यानल चुनाबी मैदानमा छ ।
सक्रिय, युवा र सिर्जनशील व्यसायीहरु रहेको भट्टराईको संयुक्त प्यानल तुलनात्मकरुपमा बलियो देखिएको चर्चा आम व्यवसायीबृतमा चलेकोे छ ।
सहयोगी र उद्वार भावका सफल ब्यावसायी सुभाष भट्टराई र उहाँको प्यानलको जित लगभग सुनिश्चित जस्तै भएको बिर्तामोडका अगुवा व्यवसायीहरु बताउँछन् ।
संघको निर्वाचनमा चार हजार पाँच सय ३९ मतदाता रहेका छन्। भट्टराई अलैंची व्यावसायिक महासंघको केन्द्रिय महासचिव र सिम्रीक बचत तथा ऋण सहकारीका अध्यक्ष साथै संचार माध्यमका लगानी कर्ता पनि हुनुहुन्छ ।
महासचिव मैनाली व्यावसायिक क्षेत्रमा दरिलो नाम हो उहाँले उत्पादनमा महत्त्वपूर्ण काम गर्दै आउनुभएको छ । युवा पंक्तिमा सबै भन्दा बिश्वासिला मानिनुहुन्छ ।
विभिन्न सामाजिक संघरसंस्थामा समेत सक्रिय भट्टराई र मैनाली झापामै मिलनसार र सामाजिक व्यक्तित्वको रुपमा परिचित हुनुहुन्छ ।
