झापा । व्यावसायिक क्षेत्रमा राम्रो अनुभव बोकेका भगिरथ लुइँटेल बिर्तामोड क्षेत्रका उदयीमान व्यवसायी हुनुहुन्छ । मार्केटिङको जागीर बाट व्यावसायमा प्रवेश संगै बिर्तामोडमा स्थापित व्यवसायीको परिचय बनाउने व्यक्तिमध्येमा पर्नुहुन्छ ।
२०६३ सालदेखि गृल व्यवसाय गर्दै आउनुभएका उहाँ पछिल्लो समय पाथीभरा मेसिनरीको पसल संचालन गर्नुहुन्छ।
उहाँ गृल तथा स्टिल ब्यबसाय महासंघको केन्द्रिय सदस्य समेत हुनुहुन्छ भने रामचौक सामुदायिक बनको कोषध्यक्ष पनि हुनुहुन्छ ।
बिर्तामोड २ चारपानेमा बस्दै आउनुभएका लुइँटेल सामाजिक रुपमा पनि उत्तिकै सकृय हुनुहुन्छ ।
स्थानीय युवाहरु संगको सक्रियतामा खेलकुद ,मठमन्दिर संरक्षण गर्दै नेतृत्वदायी भुमिका निर्वाह गर्दै युवा देखि वृद्ध सम्मका लागि सारथि बनेर सामाजिक र व्यावसायिक गतिविधि गरिरहनुभएको छ।
बिर्तामोडमा गृल ब्यबसाय लाई ब्यबस्थित गर्न र यस क्षेत्रमा व्यावसायिक सुरक्षा स्थापित गर्ने प्रतिबद्धता सहित संयुक्त व्यावसायि प्यानलको तर्फबाट बिर्तामोड उद्योग वाणिज्य संघको यही फागुन १६ गते हुने निर्वाचनमा उहाँ सदस्य पदको उम्मेदवार हुनुहुन्छ ।
