नेपाल स्टक एक्सचेन्स (नेप्से) को प्रमुख कार्यकारी अधिकृत (सीईओ) मा चूडामणि चापागाईं नियुक्त भएका छन् ।

नवनियुक्त सीईओ चापागाईंलाई आज अर्थ मन्त्रालयमा राजश्व सचिव दिनेशकुमार घिमिरेले नियुक्ति पत्र प्रदान गरेका हुन् ।

Advertisement

सोमबार बसेको मन्त्रिपरिषद् बैठकले झापाका चापागाईंलाई नेप्सेको सीईओमा नियुक्त गरेको हो । यसअघि नेप्सेको सीईओमा सरकारले नारदकुमार लुइँटेललाई नियुक्त गर्ने निर्णय गरे पनि नाममा विवादका कारण त्यो निर्णय सच्याएको थियो ।

नेप्सेको सीईओका लागि आवेदन दिएका १० जनामध्ये झापाका चूडामणि चापागाईं, सर्लाहीका नारदकुमार लुइँटेल, इलामका पूर्णबहादुर आचार्य, नुवाकोटका बद्रीप्रसाद प्याकुरेल र पाल्पाका हेमन्त बस्याल संक्षिप्त सूचीमा परेका थिए ।

चापागाईंले यसअघि सानिमा बैंक तथा सानिमा रिलायन्स लाइफ इन्स्योरेन्समा लामो समय काम गरिसकेका छन् ।