काँकरभिट्टा बहुमुखी क्याम्पसको स्ववियु सभापतिमा नेपाल विद्यार्थी संघ (नेविसंघ) का सुरज राई विजयी भएका छन् ।
मंगलबार सम्पन्न निर्वाचनको मतगणनामा नेविसंघका राईले १५१ मत प्राप्त गरी विजयी भए भने उनका निकटतम प्रतिस्पर्धी अनेरास्ववियुका संगम बरालले ८८ र राप्रविसंघका संजोग खनालले १० मत प्राप्त गरेका हुन् ।
त्यस्तै सचिवमा अनेरास्ववियुका एलिस पौडेलले १२९ मत प्राप्त गरी विजयी भएका छन् भने नेविसंघका सचिव पदका उम्मेद्वार अंकित प्रसाद चम्लागाईले ९७ मत प्राप्त ग गर्दा राप्रविसंघका सोभियत श्रेष्ठले २१ मत पाएका छन् ।
त्यसैगरी कोषाध्यक्षमा नेविसंघकी रिया ढुंगाना विजयी भइन् । ढुंगानाले ९५ मत प्राप्त गरी विजयी हुँदा अनेरास्ववियुका सुवास गौतमले ८८ मत प्राप्त गरे भने राप्रविसंघका आकाशबहादुर बस्नेतले ५४ मत पाएको निर्वाचन समितिले जनाएको छ ।
त्यसैगरी प्रत्यक्ष तर्फको सदस्यहरूमा नेविसंघका सन्ध्या कार्की, विज्ञान राई र निश्चल तामाङ विजयी भएका छन् भने अनेरास्ववियुका प्रदिप्ती ढकाल र मानव ढुंगेल विजयी भएको निर्वाचन अधिकृत हेमकुमार खड्काले जानकारी दिए ।
सदस्यमा नै समान मत ल्याएर बराबरी भएका नेविसंघका भुवनसिंह खड्का र अनेरास्ववियुका इसाक खडियाबीच गोला प्रथा गर्दा अनेरास्ववियुका खडिया विजयी भएको निर्वाचन अधिकृत खड्काले बताए ।
