झापाको बाह्रदशी-७ मा अवस्थित गौरीशंकर माध्यमिक विद्यालयले ६६ औं वार्षिकोत्सव मनाएको छ ।
कोशी प्रदेश सभा सदस्य छविलाल चुडालको प्रमुख आतिथ्य तथा विद्यालय व्यवस्थापन समिति अध्यक्ष इन्द्रबहादुर राईको अध्यक्षतामा आयोजित कार्यक्रमका बीच विद्यालयले वार्षिकोत्सव मनाएको हो ।
विद्यालयले वार्षिकोत्सवको अवसर पारेर ज्येष्ठ अभिभावक, अभिभावक र उत्कृष्ठ शिक्षकलाई सम्मान गरेको छ भने विद्यार्थीलाई विभिन्न विधामा पुरस्कृत गरेको हो । ज्येष्ठ अभिभावका रुपमा हिरा कुमारी राजवंशी र दिलबहादुर कार्कीलाई सम्मान गरेको हो ।
त्यस्तै अभिभावक तर्फ मीना आचार्य, विमला राजवंशी, पूजा मुर्मू र दिपा उप्रेतीलाई सम्मान गरेको थियो भने शिक्षक तर्फ नेत्र प्रसाद पौडेल र हेम सागर कट्वाललाई सम्मान गरिएको छ ।
अनुशासित विद्यार्थीका रुपमा लोकराज राजवंशी, रोजिना राजवंशी, सरसफाईतर्फ हेमन्त पण्डित, सुशीला हेमरमलाई पुरस्कृत गरिएको थियो । नियमित विद्यालय आउने विद्यार्थीका रुपमा आदित्य पौडेललाई पुरस्कृत गरिएको छ ।
उक्त अवसरमा उत्कृष्ठ अंक ल्याउने हेमन्त पण्डित, पूजा पण्डितलाई पुरस्कृत गरिएको थियो भने एसईईमा उत्कृष्ठ अंक ल्याउने टेकनाथ सोरेन, सेविका निरौलालाई पुरस्कृत गरिएको थियो ।
कक्षा १२ मा उत्कृष्ठ अंक ल्याउने इश्वर मुर्मू र वनिता कार्कीलाई पुरस्कृत गरिएको कार्यक्रममा विद्यार्थीले विभिन्न सांस्कृतिक प्रस्तुतिसहित मार्च पस समेत गरेका थिए ।
विद्यालयका प्रधानाध्यापक लेखनाथ कटुवालले विद्यालयको शैक्षिक गतिविधिका विषयमा प्रकाश पारेको कार्यक्रममा बाह्रदशी गाउँपालिकाकी निर्वतमान उपाध्यक्ष रत्नाकुमारी राजवंशी, बाह्रदशी गाउँपालिका वडा नं.७ का वडाध्यक्ष मित्रराज भट्टराई, बाह्रदशी गाउँपालिका पूर्व शिक्षा शाखा प्रमुख ज्ञानबहादुर पौडेल लगायतको आतिथ्यता रहेको थियो ।
सहायक प्रधानाध्यापक हेम राजवंशीले मन्तव्यबाट स्वागत गरेको कार्यक्रमको सञ्चालन विद्यालयका शिक्षक लोचनकुमार गुरागाईले गरेका थिए ।
