झापाको बिर्तामोड स्थित निदी माध्यमिक विद्यालयको १० औं वार्षिकोत्सव तथा अभिभावक दिवस सम्पन्न भएको छ ।
विद्यालय व्यवस्थापन समितिका अध्यक्ष रमेश प्रसाईंको अध्यक्षतामा भएको कार्यक्रमको प्रमुख अतिथि बिर्तामोड नगर शिक्षा प्रमुख तिलचन भण्डारी रहेका थिए ।
सोही कार्यक्रममा राम चौकको सौन्दर्यकरणका लागि सडकमा वृक्षरोपण गरिएको थियो ।
निदी माविका प्रिन्सिपल भिस्म प्रसाईंले औचित्य माथी प्रकाश पार्दै विद्यालयको गतिबिधीबारे जानकारी गराएको कार्यक्रममा प्रमुख अतिथि बिर्तामोड नगर शिक्षा प्रमुख भण्डारी, प्याब्सन झापा अध्यक्ष छत्रबहादुर कार्की, बिर्तामोड नगर प्याब्सन अध्यक्ष सुरेन्द्र खरेल, बिर्तामोड वडा नंं.३ का वडाध्यक्ष मदन बुढाथोकी लगायतले शुभकामना मन्तव्य राखेका थिए ।
कार्यक्रममा विद्यालयको स्थापनाकालदेखी हालसम्म कार्यरत शिक्षकहरू भाइस प्रिन्सिपल रामकृष्ण दाहाल, शिक्षकहरू घनश्याम पौडेल, शारदा उप्रेती र कर्मचारी निरमाया अधिकारीलाई सम्मान गरिएको ईन्द्रेणी क्याम्पसका क्याम्पस प्रमुख रञ्जित शाहले जानकारी दिए ।
सोही अवसरमा स्व.हरिकुमार प्रसाई अण्डर १३ नकआउट फुटबल प्रतियोगितामा दोश्रो भएका निदी माविका फुटबल खेलाडीलाई सम्मान गरिएको कार्यक्रममा निदी माविका विद्यार्थीहरूले रायम्स, गीत, नृत्यसहितका सांस्कृतिक प्रस्तुति दिएका थिए ।
ईन्द्रेणी क्याम्पसका संस्थापक सदस्य तुलसीराम खरेलले मन्तव्यबाट स्वागत गरेको कार्यक्रमको सञ्चालन शिक्षक सरोज घिमिरेले गरेका थिए ।
त्यस्तै शुक्रबार ईन्द्रेणी क्याम्पसको १० औं बार्षिकोत्सव तथा अभिभावक दिवस मनाइने ईन्द्रेणी क्याम्पसका क्याम्पस प्रमुख शाहले बताए ।
