नेपाल शिक्षक संघ झापा गाउँपालिकाको प्रतिनिधि सभा सम्पन्न भएको छ ।
नेपाल शिक्षक संघ झापाका अध्यक्ष रोहित पोद्वारको अध्यक्षतामा भएको कार्यक्रमको प्रमुख अतिथी झापा गाउँपालिकाका कार्यवाहक अध्यक्ष अञ्जुदेवी थपलिया रहेकी थिइन् ।
कार्यक्रममा क्षेत्रीय सभापति जयनारायण शाह, नेपाल शिक्षक संघ झापाका अध्यक्ष तोयानाथ दाहाल, वडा नं.७ का वडाध्यक्ष सखिचन्द्र ठाकुर, नेपाली कांग्रेस झापा गाउँपालिका सभापति सागिरथ गणेश, नेपाल शिक्षक संघ झापा सचिव देवेन्द्रचन्द्र सिङ्ग राजवंशी, नेपाल शिक्षक महासङ्घ झापा अध्यक्ष जगन्नाथ राजवंशी लगायतको उपस्थिति रहेको थियो ।
उक्त कार्यक्रममा सेवानिवृत्त शिक्षकहरु घनश्याममणि त्रिपाठी, महेन्द्र प्रसाईं, भुमितप्रसाद गणेश, चन्द्र उप्रेती, शिवशंकर मण्डललाई सम्मानसहित बिदाई गरिएको थियो भने उत्कृष्ट सांगठनिक कृयाशिलता सम्मानद्वारा शिक्षक दोय उदय चन्द्र भण्डारी र कुन्तीकुमारी गणेशलाई सम्मानित गरिएको थियो ।
शिक्षक रञ्जु पोख्रेलले मन्तव्यबाट स्वागत गरेको कार्यक्रमको ससञ्चालन सचिव लोचन यादवले गरेका थिए ।
त्यस्तै नेपाल शिक्षक संघ मेचीनगरले समेत आफ्नो प्रतिनिधि सभा सम्पन्न गरेको छ ।
नेपाल शिक्षक महासंघ झापाका अध्यक्ष नेत्रप्रसाद खरेलको प्रमुख आतिथ्यता सम्पन्न कार्यक्रममा नेपाल शिक्षक महासंघ बिर्तामोड र मेचीनगरका अध्यक्ष दोय युवराज कट्टेल र होमराज ढकाल, नेपाल शिक्षक संघ कोशी प्रदेश सदस्य निर्मला आन्दाङ्गवे, लिलाप्रसाद भण्डारी, प्रदेश प्रतिनिधि लेखनाथ पौडेल, धुलाबारी माविका प्रधानाध्यापक महेन्द्रविलास लुईटेल लगायतको उपस्थिति रहेको थियो ।
अवकाश प्राप्त शिक्षकहरुलाई दोसल्ला ओढाई सम्मान सहित सम्मान पत्रद्वारा सम्मानित गरिएको कार्यक्रम अध्यक्ष, सचिव तथा कोषाध्यक्षको प्रतिवेदन छलफल सहित पारित गरिएको थियो ।
त्यसैगरी नेपाल शिक्षक संघ कन्काईको प्रतिनिधि सभा आदर्श विद्या मन्दिर घैलाडुव्वामा सम्पन्न भएको छ ।
शिक्षक संघ कन्काईका सभापति सुशील कुमार श्रेष्ठको अध्यक्षता भएको कार्यक्रममा उत्कृष्ट बाल शिक्षक रुपमा टीकामाया गिरी र उत्कृष्ट शिक्षकको रुपमा पशुपति आधारभुत विद्यालयका प्रधानाध्यापक खेमबहादुर कार्कीलाई प्रमुख अतिथि कन्काई नगरपालिका उपप्रमुख आशा शर्माद्वारा सम्मानित गरिएको थियो ।
उक्त कार्यक्रममा नेपाल शिक्षक महासंघका संघिय प्रतिनिधि धर्मानन्द निरौला, नेपाल शिक्षक संघ संघिय प्रतिनिधि चित्रकला ओली, कोशी प्रदेश सदस्य भरत भट्टराई, जिल्ला उपाध्यक्ष तथा सहसचिव कुमार खतिवडा र मनकुमार योङ्गहाङ्ग, आदर्श विद्यामन्दिर घैलाडुव्वाका प्रधानाध्यापक नरहरी न्यौपाने लगायतको उपस्थित रहेको थियो ।
