प्याब्सन कोशीको अध्यक्षमा सुमित थापा निर्वाचित

संवाददाता/ शुक्रबार, माघ २५, २०८१

निजी तथा आवासीय विद्यालय अर्गनाइजेसन नेपाल (प्याब्सन) कोशी प्रदेशको अध्यक्षमा सुमित थापा निर्वाचित भएका छन् ।

प्रदेशको चौथो अधिवेशनबाट पशुपति इङलिस बोर्डिङ स्कुलका थापा निर्विरोध अध्यक्षमा निर्वाचित भएका हुन् ।

त्यस्तै वरिष्ठ उपाध्यक्षमा कोषराज प्याकुरेल, महिला उपाध्यक्षमा मिना के.सी, उपाध्यक्षमा निश्चलराज शाक्य र इसुभकुमार पाण्डे, सचिवमा गौरीमान फागो, कोषाध्यक्षमा प्रेमलाल सिंग सुवाल निर्वाचित भएका निर्वाचन समितिका संयोजक खगेन्द्रबहादुर ढकालले जानकारी दिए ।

त्यसैगरी सहसचिवमा भुवन श्रेष्ठ र रगुन गुरुङ तथा सहकोषाध्यक्षमा विश्वास ढकाल र दुर्गाकुमार लुइटेल निर्वाचित भएका संयोजक ढकालले बताए ।

त्यस्तै महिला सदस्यमा रुक्मिणा गौतम तथा सदस्यहरुमा भानुभक्त राजवंशी, दिनेश पोखरेल, डिक ब.थापा, ध्रुव गौतम र गणेश भण्डारी निर्वाचित भएका छन् ।