डिल्लीराज माविले मनायो वार्षिकोत्सव र स्मृति दिवस

संवाददाता/ बिहिबार, पुष १८, २०८१

झापा गाउँपालिका वडा नं.४ मा रहेको डिल्लीराज माध्यमिक विद्यालयले विद्यालयका संस्थापक स्व.डिल्लीराज गणेशको ३५औं स्मृति दिवस तथा ६१ औं वार्षिकोत्सव मनाएको छ ।

विद्यालय व्यवस्थापन समितिका अध्यक्ष कलाम शेखको अध्यक्षतामा भएको कार्यक्रमको प्रमुख अतिथि झापा गाउँपालिकाका कार्यवाहक अध्यक्ष अन्जुदेवी थपलिया रहेकी थिइन् ।

उक्त कार्यक्रममा शिक्षा शाखा प्रमुख जीवनप्रसाद ढकाल, शिक्षक महासंघ झापा गाउँपालिकाका अध्यक्ष जगन्नाथ राजवंशी, शिक्षक संघ झापा गाउँपालिकाका अध्यक्ष टिका कट्टेल, कुमरखोद रेडक्रसका पूर्व सभापति सुन्दरलाल गणेशलगायतले शुभकामना मन्तव्य राखेका थिए ।

शिक्षक गोविन्द राजवंशीले मन्तव्यबाट स्वागत गरेको कार्यक्रमका सञ्चालन शिक्षक लोचन यादव र रविन्द्र मैनालीले गरेका थिए ।