झापा । ओलीपक्षीय नेकपाको केन्द्रीय सदस्यमा मंगलबार मनोनित झापाका प्रदेश सांसद् गोपालचन्द्र बुढाथोकी र जसमाया गजमेरले केन्द्रिय सदस्य पद अस्वीकार गर्नुभएको छ ।
प्रदेश नम्बर एकका सामाजिक बिकास राज्यमन्त्री समेत रहनुभएका गजमेरले सामाजिक संजाल मार्फत बिश्वास र भरोसाको साथ अमुल्य मत दिएको पार्टी बिभाजन हुँदा जनता रोइरहेको अवस्थामा प्राप्त केन्द्रिय कमिटीको सदस्यको जिम्मेवारीलाई स्वीकार गर्न नसकेको बताउनु भएको छ ।
यस्तै प्रदेश सांसद बुढाथोकीले कम्युनिस्ट आन्दोलन फुट विभाजनको तितो इतिहास व्यहोरेर पनि नेताहरुले शिक्षा नलिएको भन्दैजनतालाई रुवाएर जनताले परिवार भन्दा बढी माया गरेको पाटी फेरि विभाजित गरेको आरोप लगाउनुभयो।
उहाँले भन्नुभयो -“हामी यो बेला दुःख ब्यत्त गर्न शिवाय के गर्न पो सक्ने रहेछौ र रमिता बाहेक कमरेडहरु ? यो बेला नेकपाको दुईवटा केन्द्रिय कमिटि बनाएर एउटा कमिटीमा सदस्य मनोनित गरेको थाहा पाए । तर मलाई विभाजित कम्युनिस्ट पार्टीको केन्द्रीय सदस्य मन्जुर छैन ।”
बुढाथोकिले ओलीपक्षीय नेकपाको मनोनयन नस्वीकार्ने संकेत गर्नु भएको छ। हिजो ओलीपक्षीय नेकपाको केन्द्रीय समितिको बैठकले ५५६ जना केन्द्रीय सदस्य थप्ने निर्णय गरेको थियो । जसमा झापा जिल्ला अध्यक्ष चिन्तन पाठक सहित १९ जना झापाबाट थपिएका छन् ।
