भद्रपुर ,मंसिर २६ । प्रदेश –१ को पहिलो र देशकै पाँचौं बालमैत्री स्थानीय शासनयुक्त नगरपालिका बन्ने नगरपालिकाको जिल्ला समन्वय समितीले स्थलगत अनुगमन लाई तीव्रता दिएको छ। टोलीले बालमैत्री नगरउन्मूख भद्रपुर नगरपालिकामा बालमैत्री अभियानसम्बन्धी भइरहेका क्रियाकलापको अनुगमन गरेको छ ।
समन्वय समिती नेतृत्वमा आएको टोलीले बालमैत्री अभियानका क्रममा नगरपालिकाले चरणबद्ध रुपमा गरेका कार्यक्रमसम्बन्धी दस्तावेजहरुको अनुगमन–निरीक्षण गरेको बालबालिका तथा शिक्षा संचार मन्च नेपालका संयोजक एबम अनुगमन सदस्य सरोज पौडेलले जानकारी दिनु भयो । टोलीमा सरोकार वाला निकाय लगायतको सहभागिता रहेको छ ।
०७४ सालको मध्यतिर शुरु भएको बालमैत्री अभियानका क्रममा नगरपालिकाले बालमैत्री सू्रचकहरुको अनुशरण गर्दै आएको छ भने नगरको योजना तर्जुमा प्रक्रियामा बालबालिकाको सहभागिता, बाल नगर सञ्जाल, वडास्तरीय बाल क्लव गठन, विद्यालयस्तरीय बाल क्लव गठन, बालमैत्री रणनीतिक योजना निर्माण, बालमैत्री क्रियाकलाप गर्दै आएको नगरको सामाजिक शाखा प्रमुख जीवनकला राउतले बताउनु भयो ।अनुगमन साथै सुझाव समेत दिएको नगर बाल मैत्री फोकल पर्सन दिपक पाण्डेले जानकारी दिनु भयो ।
अनुगमन टोलीले स्वीकृति दिएपछि एक समारोहका बीच भद्रपुरलाई बालमैत्री नगरपालिका घोषणा गरिने जनाइएको छ । घोषणासँगै भद्रपुर प्रदेश –१ को पहिलो र देशकै पाँचौं बालमैत्री स्थानीय शासनयुक्त नगरपालिका बन्नेछ ।
