एमआरआर र झापाली युवाहरुद्वारा झापाको पुरानो सदरमुकाम झापा गाउँपालिकामा रहेका विद्यालयमा २६ थान पंखा वितरण गरेको छ ।
जसअन्तरगत महेन्द्र माध्यमिक विद्यालयलाई १० थान, त्रिभुवन आधारभुत विद्यालयमा ८ थान, राम जानकी आधारभुत विद्यालयमा ७ थान र वडा नं.६ निवासी अति विपन्न नारायणप्रसाद शिवाकोटीलाई सोमबार १ थान वितरण गरिएको थियो ।
एमआरआरका प्रतिनिधि अशोक गिरीको अध्यक्षतामा भएको कार्यक्रमको प्रमुख अतिथि झापा गाउँपालिकाका कार्यवाहक अध्यक्ष अन्जुदेवि थपलिया रहेकी थिइन् ।
उक्त अवसरमा समाजसेवी जय नारायण शाह, शिवकुमार कडेल, टंक विश्वकर्मा, सागिरथप्रसाद गणेश, शिक्षक रोहित पोद्दार,भलिबल खेलाडी रोहित शिवाकोटी, महेन्द्र माध्यमिक विद्यालयका प्राचार्य गोपालप्रसाद गणेश, त्रिभुवन आधारभुत विद्यालयका शिक्षक प्रतिनिधि सन्तोषकुमार गणेश, रामजानकी आधारभुत विद्यालयका प्राचार्य उमाराम रिजाल लगायतको उपस्थिती रहेको थियो ।
रोजेश शिवाकोटीले कार्यक्रमको सहजीकरण गरेको कार्यक्रममा प्रमुख अतिथि कार्यवाहक अध्यक्ष अन्जुदेवि थपलिया, महेन्द्र माध्यमिक विद्यालयका प्रधानाध्यापक गोपालप्रसाद गणेश, समाजसेवी शिव कुमार कडेल लगायतले आ-आफना धारणा राखेका थिए ।
प्रतिनिधि सविन अधिकारीले मन्तव्यबाट स्वागत गरेको कार्यक्रमको सञ्चालन भुवन बुढाथोकीले गरेका थिए ।
