२० असोज, बिर्तामोड । झापाको बिर्तामोडमा मोटरसाईकल तथा स्कुटरका प्रयोगकर्ताहरुलाई लक्षित गर्दै फ्रि सर्भिस क्याम्प आयोजना गरिएको छ । दशै तथा दिपावलीको अवसरमा नासा मोटरसाईकल पार्टस तथा आइपोल ल्युबको आयोजनामा स्कुटर र बाईक सर्भिस क्याप सञ्चालन गरिएको हो । सर्भिस क्याम्प असोज २० देखी २३ गते सम्म चल्ने नासाका सञ्चालक निरोज चुडालले बताए ।
ग्राहकहरू लाई सहज सेवा र गुणस्तर ल्युबबिक्रेन्ट तथा पार्टस दिने उदेश्यले आयोजना गरिएको सर्भिस क्याम्पमा निःशुल्क सर्भिसिङ्ग तथा वासिङग साथै लुब्रिकेन्ट र पार्टसमा बिशेश छुट पाइने चुडालको भनाई छ। सर्भिस क्यापमा सहभागी भई मौकाको फाईदा लिन चुडालले आग्रह गरे ।
बाईक तथा स्कुटरको इन्जिन सधै मजबुत होस् भन्ने उद्देश्यका साथ उच्च ग्रेडको ल्युब सर्भिस क्यामपमा प्रयोग हुने आइपोल ल्युबका बजार प्रतिनिधि आशिष् समीप ले बताए ।
उनले धेरैजसो ग्राहकहरू लाई ल्युबको ग्रेड थाहा नहुने हुँदा ठगिने भएकाले सर्भिस क्याम्पमा उच्च गुणस्तरका SL, SN र SM ग्रेडका ल्युब मात्रै प्रयोग हुने जानकारी दिए ।
