अग्रवाल समाजका कुल प्रवर्तक श्री अग्रसेन महाराजाको ५१४८ औ अग्रसेन जयन्तीका अवसरमा एसईई परीक्षामा उत्कृष्ट अंक ल्याउने १७ जना विद्यार्थीलाई सम्मान गरिएको छ ।
अग्रसेन भवन बिर्तामोड र नेपाल अग्रवाल महिला मञ्च बिर्तामोडको संयुक्त आयोजनामा शनिवार अग्रसेन भवनमा भएको कार्यक्रममा मारवाडी सेवा समिति, मारवाडी महिला मञ्च, मारवाडी युवा मञ्च र मारवाडी युवती मञ्च बिर्तामोडको सहयोग रहेको थियो ।
सम्मानित हुनेहरुमा महेक अग्रवाल, मुस्कान अग्रवाल, मेहेर अग्रवाल, आकांक्षा गोयल, अनिक सिंघल ,कुशल डालमिया, आयुष अग्रवाल , पुलकित अग्रवाल, दर्शिल अग्रवाल, लावन्या सरावगी, दिपांशु अग्रवाल, झलक वंशल अग्रवाल, मयंक अग्रवाल, युभिका गोयल, दिपककुमार गर्ग, क्षितिजकुमार मित्तल र कुनाल गट्टानी रहेका छन् ।
अग्रसेन भवन बिर्तामोडका अध्यक्ष सुरेशकुमार अग्रवाल ‘भद्रपुरे’ को अध्यक्षता तथा नेपाल अग्रवाल सभा विराटनगरका पूर्व अध्यक्ष देवेन्द्रकुमार राजगडियाको प्रमुख आतिथ्यमा भएको कार्यक्रममा अग्रसेन भवनका पूर्व अध्यक्ष दिनेश मित्तल, नगर विकास समिति बिर्तामोडका पूर्व अध्यक्ष सज्जनकुमार वंशल, मारवाडी सेवा समितिका अध्यक्ष मोहनकुमार मित्तल, धुलावारी अग्रवाल सभाका अध्यक्ष पुनित वंशललगायतले शुभकामना मन्तव्य राखेका थिए ।
अग्रसेन भवनका उपाध्यक्ष तथा कार्यक्रम संयोजक रमेशकुमार अग्रवालले मन्तव्यबाट स्वागत गरेको कार्यक्रमको सञ्चालन सचिव दिपेन्द्रकुमार अग्रवालले गरेका थिए ।
