टुरिजम रिसर्च एण्ड ट्रेनिङ इन्स्टिच्यूटले तेस्रो नेशनल टुरिजम कन्फरेन्स २०२४ कार्यक्रम मंगलबार सम्पन्न गरेको छ ।
टीआरटिआईका अध्यक्ष मदनकुमार बरालको अध्यक्षतामा भएको कन्फरेन्सको प्रमुख अतिथि नेपाल टुरिजम बोर्डका सीइओ दिपकराज जोशी रहेका थिए ।
उक्त अवसरमा शिक्षाविद् डा.विद्यानाथ कोइरालालाई सल्लाहाकारमा नियुक्त गरिएको छ भने स्मार्ट युवा तथा बाल सामाजिक अभियन्ता प्रिन्सा रेग्मी र जिटीपी नेपाल कन्फरेन्स विजेता वर्षा खड्कालाई टुरिजम स्टुडेन्ट युथ एम्बेसडर तथा एउटा खुट्टाले मात्रै नाच्न सक्ने सिता सुवेदीलाई युथ टुरिजम एम्बेसडर घोषणा गरिएको थियो ।
त्यस्तै पर्यटन गीतका गायक आनन्द कार्की, सुर्दशन बराल र एकै सिजनमा तीन पटक सगरमाथा आरोहण गर्ने विश्वकै पहिलो महिला पत्रकार पुर्णिमा श्रेष्ठलाई सम्मान गरिएको थियो ।
त्यसैगरी झापाको बिर्तामोड स्थित न्युटन्स् एजुकेशन एकाडेमी द बेष्ट टुरिजम क्लब अवार्ड २०२४ बाट सम्मानित भएको छ ।
टुरिजम रिसर्च एण्ड ट्रेनिङ इन्स्टिच्यूटले नेशनल टुरिजम कन्फरेन्स २०२४ को अवसरमा मंगलबार आयोजित कार्यक्रममा न्युट्न्सलाई सम्मान पत्रसहित अवार्ड प्रदान गरेको हो ।
देशभर गठित National Sustainable Tourism Club (NSTC) हरुमध्येबाट वार्षिक क्यालेन्डर अनुसार इन्स्टिच्यूटले विविध कार्यक्रमहरु गर्दै सक्रिय रहेका क्लब मध्येबाट न्युट्न्स छनोट भएको थियो ।
त्यस्तै भरतपुरमा रहेको मदरलेन्ड सेकेन्डरी स्कुल द मोष्ट एक्टिभ क्लब अफ द इएर २०२४ बाट सम्मानित भएको छ ।
स्थानीय क्षेत्रमा पर्यटकिय सम्भावना भएका ठाउँको पहिचान गरी तिनलाई राष्ट्रिय तथा अन्तर्राष्ट्रिय स्तरमा पर्यापर्यटनलाई प्रबर्द्धन गर्दै बिकासको क्रममा जोड्न मद्दत पुग्ने भएकाले क्लबका बालबालिकालाई पर्यटनको विषयमा बुझाउन क्लब सक्रिय रूपमा लागि परेको छ ।
त्यसैगरी रिसर्च रिपोर्ट प्रस्तुतीमा न्युट्न्सका संस्कार भट्टराई र नेपाल एपीएफका स्कुल किर्तिपुरका विवेकानन्द कुशवा प्रथम भएका छन् ।
देशभरिका विभिन्न विद्यालयबाट सहभागी विद्यार्थीहरुलाई पछि गर्दै संस्कार र विवेकानन्द स्पेनमा आयोजना हुन् प्रतियोगिताको छनोटको नजिक पुगेका छन् । बुधबार हुने अन्तरवार्ताबाट दुईजना मध्येबाट एकजना छनोट हुने जनाइएको छ ।
त्यस्तै रिसर्च रिपोर्ट प्रस्तुती प्रतियोगितामा न्युटन्सकै श्रेयसी कार्कीको जोडी दोश्रो स्थान हासिल गर्न सफल भएको छ ।
त्यसैगरी सांस्कृतिक प्रस्तुतीतर्फ विद्यासागर स्कुल प्रथम भएको छ भने मोनाष्टिक स्कुल जनकपुर दोश्रो र नेपाल एपिएफ स्कुल किर्तिपुर तेश्रो भएको छ । प्रथम, दोश्रो र तृतीया हुनेलाई क्रमश: १५ हजार, १० हजार र ५ हजारसहित प्रमाणपत्र र टफी प्रदान गरिएको थियो ।
उक्त अवसरमा विद्यार्थीहरुले विभिन्न प्रतिभा प्रस्तुती गरेका थिए ।
उक्त अवसरमा कन्फरेन्सका प्रमुख अतिथि नेपाल टुरिजम बोर्डका सीइओ जोशी, नेपालका सरकार संस्कृति पर्यटन तथा नागरिक उडयन मन्त्रालयका पूर्व सचिव केदार बहादुर अधिकारी, होमस्टे महासंघ नेपालका उपाध्यक्ष तथा विदेश विभाग प्रमुख धनेश्वर बस्याल, शिक्षाविद् डा.विद्यानाथ कोइराला लगायतले आ-आफना धारणा राखेका थिए ।
टीआरटिआईका निर्देशक सरोज प्याकुरेलले मन्तव्यबाट स्वागत गरेको कार्यक्रमको सञ्चालन पूर्व मिस नेपाल सुगारिका केसीले गरेकी थिइन् ।
पर्यटनबाटै समृद्धि भन्ने मुल नाराका साथ सन २०२१ मा स्थापित टुरिजम रिसर्च एण्ड ट्रेनिङ इन्स्टिच्यूटले स्थापनाकालदेखि नै नेपालको पर्यटन विकासका लागि विविध कार्यक्रमहरु गर्दै आइरहेको छ । नेपालको पर्यटनको प्रभावकारी प्रवर्धन र विकास लागि विद्यालय तहबाटै विद्यार्थीहरुमा पर्यटन र यसको महत्वबारे जानकारी गराउदै पर्यटन सचेतना जार्गृत गराउन आवश्यक रहेको महसुस संस्थाले नेपाल टुरिजम बोर्ड, यूएनडिपी एसटिएलआरपी प्रोजेक्ट तथा जीटीटीपीसँगको सहकार्यमा देशभर १४५ वटा स्कुल तथा ट्राभल टुरिजम कलेजहरुमा ११ सदस्यीय सस्टेनेवल टुरिजम क्लबहरुको गठन गरिसकेको छ ।
