बिर्तामोड स्टडी पार्कले कोरिया जाने विद्यार्थीलाई लक्षित गरेर एकदिने नि:शुल्क सिमेनार सञ्चालन गरेको छ ।
सोमबार आयोजना गरिएको सिमेनारमा ५० जनाभन्दा बढी विद्यार्थीको सहभागिता रहेको थियो ।
कोरियाको कलेजबाट आएका प्रोफेसर डा.एनथ्रोनिक किंमले सेमिनारको सहजीकरण गरेका थिए ।
सेमिनारमा उनले कोरियाको बारेमा जानकारी गराउनुका साथै टेक्निकल विषयहरु कसरी अध्ययन गर्न सकिन्छ भन्ने विषयमा विद्यार्थीहरुलाई बताएका थिए । किंमले नेपाली विद्यार्थीले कसरी पढ्न सक्छन् र रोजगारीको अवस्था कस्तो लगायतका बारेमा समेत अवगत गराएका थिए ।
बिर्तामोड नगरपालिका वडा नं.२ का वडाध्यक्ष किशोरकुमार पौडेलको प्रमुख आतिथ्यतमा भएको कार्यक्रममा लिट पाथ फाउन्डेसनका प्रमुख कृष्णप्रसाद भट्टराईसहित विभिन्न कलेजका प्रोफेसरहरुको उपस्थिति रहेको थियो ।
पछिल्लो समय कोरिया नेपाली विद्यार्थीका लागि एकदमै सजिलो, सस्तो र भरपर्दो वैदेशिक माध्यम अध्ययनका लागि बनेको छ । कोरियामा पढ्दै काम गर्न पाउने भएकाले नेपालीहरु कोरियाको विश्वविद्यालयमा आर्कषित हुँदै आएका छन् ।
बिर्तामोड स्टडी पार्कले कोरिया पढ्न जानेका विद्यार्थीका लागि सहज तरिकाले अध्ययन-अध्ययपन गराउने कामहरुमा सहजीकरण गरिरहेको छ । बिर्तामोड स्टडी पार्क पछिल्लो समय कोरियाका लागि झापामै उत्कृष्ट कन्सलटेन्सीका रुपमा परिचय बनाउन सफल भएको छ ।
बिर्तामोड स्टडी पार्कले बिर्तामोडमा मुख्य कार्यालय रहेर फिक्कल, इलाम र भद्रपुरबाट आफनो सेवा दिइरहेको छ । पार्कले निकट भविष्यमा अन्य क्षेत्रबाट पनि सेवा दिने योजना बनाएको छ ।
