उज्यालो चारपाने बाल क्लबका सदस्यका लागि चार दिवसीय ट्राफिक नियम सम्बन्धी तालिम बिहीबारबाट सुरु भएको छ ।
तालिममा बिर्तामोड नगरपालिका वडा नं.२ भित्र रहेका सामुदायिक र संस्थागत गरेर सात वटा विद्यालयका २० जना भन्दा बढी विद्यार्थीको सहभागिता रहेको छ ।
क्लबका अध्यक्ष एलिजा भट्टराईको अध्यक्षतमा भएको उद्घाटन समारोहको प्रमुख अतिथि बिर्तामोड नगरपालिका वडा नं.२ का वडाध्यक्ष किशोरकुमार पौडेल रहेका थिए ।
उक्त तालिमको सहजीकरण प्रहरी नायब निरीक्षक पूर्ण गौतमले गरेका छन् ।
तालिममा सहभागि विद्यार्थीहरुले चार दिनसम्म सिकेका कुराहरुलाई आ-आफना विद्यालयमा प्रहरीसँगै गएर अन्य विद्यार्थीहरुलाई पनि सिकाउने जनाइएको छ । उनीहरुलाई ब्याज समेत प्रदान गर्ने गरी प्रशिक्षक उत्पादन गर्ने उद्देश्यले तालिम आयोजना गरिएको हो ।
कार्यक्रममा बोल्दै प्रमुख अतिथि पौडेलले बालबालिकाको क्षमता वृद्धि गर्न सँगसँगै जिम्मेबार र अनुशासित बनाउने उद्देश्यले तालिम सञ्चालन गरिएको बताए । उनले हरेक कुरामा विद्यार्थीहरु सक्षम हुनु जरुरी रहेकाले तालिमका मार्फत थप उर्जा दिलाउन तालिम सुरु गरिएको बताएका छन् ।
जिल्ला ट्राफिक प्रहरी कार्यालयका प्रमुख नवराज न्यौपानेले स्वागतसहित कार्यक्रम माथि प्रकाश पारेको कार्यक्रमको सञ्चालन बालबालिका तथा शिक्षा सञ्चार मञ्चका संयोजक सरोज पौडेलले गरेका थिए ।
