बिर्तामोड नगरपालिका वडा नं.२ ले वडा भित्र सञ्चालित विद्यालयलाई खेलकुद सामाग्री तथा बाल क्लब ब्यानर प्रदान गरेको छ ।
वडाले बालमैत्री कार्यक्रम अन्तरगत बालबालिकाको खेलकुद क्षेत्रमा बालबालिकालाई प्रेरित गर्ने उद्देश्यले सामाग्री प्रदान गरिएको वडाध्यक्ष किशोरकुमार पौडेलले जानकारी दिए ।
वडाले वडाभित्र सञ्चालित रहेका विद्यालयमा बाल क्लब गठन गरिएका सामुदायिक तथा संस्थागत विद्यालयलाई सो सामाग्री हस्तान्तरण गरिएको वडाध्यक्ष पौडेलले बताए ।
उनले नगरभित्रका बालबालिका समान भएकाले एकरुप रुपमा कार्यक्रममा सहभागी गराईएको बताएका छन् ।
बालबालिकालाई फुटबल, भलिबल, ब्याटमिन्टन, चेस लगायतका सामाग्री वितरण गरिएको वडासचिव हिमा पोख्रेलले जानकारी दिइन् ।
उक्त कार्यक्रममा कार्यपालिका सदस्य तिला गौतम, सदस्य ओमनाथ गौतम, बालबालिका तथा शिक्षा सञ्चार मञ्चका संयोजक सरोज पौडेल, सामाजिक अभियान्ता माधब खरेल, रोहित राई लगायतको उपस्थिति रहेको थियो ।
शुक्रबार वडाका पञ्चरत्न माध्यामिक विद्यालय, वीर अमरसिंह माध्यामिक विद्यालय, देबकुल माध्यामिक विद्यालय, बालकल्याण माध्यामिक विद्यालय, मोहनमाया माध्यामिक विद्यालय, साङ्वेद संस्कृत विद्यालय र निदि माध्यामिक विद्यालयमा बालबालिकालाई उक्त सामाग्री प्रदान गरिएको थियो । 
सोही कार्यक्रम अन्तर्गत साङ्वेद विद्यालयबाट यस वर्षको एसईई परिक्षा उत्तीर्ण विद्यार्थीलाई बधाई तथा शुभकामना दिइएको थियो ।
