बिर्तामोड । मोबाइल एसोसिएसन बिर्तामोडले बिर्तामोड उद्योग बाणिज्य संघका नव निर्वाचित पदाधिकारी तथा सदस्यहरु लाई स्वागत सम्मान तथा परिच्यात्मक कार्यक्रम सम्पन्न गरेको छ ।
एसोसिएसनले सोमबार बिर्तामोडमा एक कार्यक्रमको आयोजना गरि उनिहरुलाई आगामी कार्यकालको लागि बधाई सहित शुभकामना दिएको हो ।
एसोसिएसनका बरिस्ठ उपाध्यक्ष सुपृत खनालको अध्यक्षतामा भएको कार्यक्रममा बिर्तामोड नगरपालिका नगर प्रमुख पबित्रा महतरा प्रसाईको प्रमुख आतिथ्य रहेको थियो ।
प्रमुख अतिथि प्रसाईले नव निर्वाचित संघ पदाधिकारी तथा सदस्यलाई संघ संग सहकार्य गरेर अगाडि बढ्ने बताईन ।
स्वागत एसोसिएसनका उपाध्यक्ष ऋषि भण्डारीले गरेको कार्यक्रममा बिशेष अतिथि उप-प्रमुख नगेन्द्र संग्रौला ,एमाले नगर अध्यक्ष सुभाष भट्टराई ,वडा नम्बर ३ का वडाध्यक्ष मदन बुढाथोकी लगायतले शुभकामना राखेका थिए ।
कार्यक्रममा नव निर्वाचित संघका अध्यक्ष राजु न्यौपाने ,कोषाध्यक्ष युवराज निरौलाले निर्वाचन अगाडि आफुले गरेका गरेका प्रतिबद्धता अनुरुप कार्य गर्ने बताए । उनीहरुले आफ्ना प्रतिबद्धता पूरा गर्न स्थानीय सरकार संग सहकार्य गरेर जाने उल्लेख गरेका थिए ।
गत फागुन १४ गते सम्पन्न संघको निर्वाचन बाट अध्यक्षमा न्यौपाने सहित बरिस्ठ उपाध्यक्षमा राजकुमार घिमिरे( राजु ) उद्योग उपाध्यक्ष विशाल थापा, बाणिज्य उपाध्यक्ष जीवन कुमार खड्का ,जन सम्पर्क उपाध्यक्ष गोमा भट्टराई ,महासचिव कुशल खतिवडा ,उद्योग सचीव पुकार बराल ,बाणिज्य सचिब राजकुमार शाह निर्वाचित भएका थिए ।
त्यसैगरी कोषाध्यक्षमा युवराज निरौला ,सह-कोषाध्यक्षमा तिलोतमा खत्री रहेका छन् भने सदस्यमा अनन्तलाल महत्त्व कृष्ण प्रसाद बजगाई ,केदार खनाल ,डिल्लीराम कोईराला ,दिनेश श्रेष्ठ ,रमेश घिमिरे ,सत्रुघन प्रसाद गुप्ता ,सुशिला कुमारी कार्की र शुस्मा उप्रेती सुवेदी निर्वाचित भएका थिए ।
कार्यक्रमको संचालन एसोसिएसनका महासचिव संजय शाहले गरेका थिए ।
