बिर्तामोड । एभरेष्ट स्मार्ट एजुकेशनमा जिल्ला स्तरीय फुटबल प्रतियोगिता सुरु भएको छ ।
जिल्ला भरिका १२ वटा बिद्यालय सहभागी रहेको प्रतियोगिता १७ गते सम्म संचालन हुने बिद्यालय प्रधानाध्यापक अनुप शर्माले जानकारी दिए । 
बिद्यालयका संस्थापक स्वर्गीय हरिकुमार प्रसाईको स्मृतिमा आयोजना गरिएको हरिकुमार प्रसाईं स्मृति जिल्ला स्तरीय अन्तर बिद्यालय अन्डर १३ नक आउट फुटबल प्रतियोगितामा पहिलो खेल आयोजक एभरेष्ट स्मार्ट स्कुलले होलिका बोडिङ्ग स्कुललाई ७/० को फराकिलो अन्तरमा पराजित गर्दै क्वाटर फाइनलमा प्रवेश गरेको छ । यस्तै अर्को खेलमा मेची इङ्लिस बोडिङ स्कुलले २ /१ गोलले ग्रीनफिल्ड वर्ल्ड स्कुललाई पराजित गर्दै क्वाटर फाईनलमा प्रवेश गरेको छ ।
हिसान झापाका सचिब एंव न्यूटन्स एजुकेशन एकाडेमीका प्रधानाध्यापक देबेन्द्र हुमागाईले स्वागत गरेको कार्यक्रममा बिर्तामोड नगरपालिका उपप्रमुख नगेन्द्र संग्रौलाको प्रमुख आतिथ्य रहेको थियो । कार्यक्रममा बिद्यालयका संस्थापक धर्मा पराजुली प्रसाईं, शिक्षा शाखा प्रमुख तिलचन भण्डारी ,प्याब्सन बिर्तामोड नगर अध्यक्ष उत्तम खनाल,झापा गोल्ड कप अध्यक्ष बिनोद बस्नेत लगायतको उपस्थिति रहेको थियो ।
प्रधानाध्यापक अनुप शर्माको अध्यक्षता रहेको कार्यक्रमको संचालन साबित्रा भट्टराईले गरेकी थिइन् ।
