बिर्तामोड स्टडी सेन्टरले आयोजना गरेको ३ दिवसीय बारिस्ता तालिमको समापन गरिएको छ । बिर्तामोड ६ स्थित इन्द्रचन्द्र क्याम्पसमा ( आज) आइतबार एक कार्यक्रमका बिच सो तालिमको समापन गरिएको हो ।
बिर्तामोड उद्योग बाणिज्य संघका महासचिव अर्जुनकुमार मैनालीको प्रमुख आतिथ्य रहेको थियो । कार्यक्रममा बोल्दै महासचिव मैनालीले युवा विद्यार्थीले अब बिदेशीने सपना लाई त्याग्न र स्वदेशमै केही गर्छु भन्ने भावना निर्माण गर्न आवस्यक रहेको बताए । उनले उध्यमी बन्न पैसाको होईन इच्छाशक्तिको खाँचो रहेको औंल्याए । 
क्याम्पस प्रमुख प्रकाश दाहालले स्वागत गरेको कार्यक्रममा स्टडी सेन्टरका प्रमुख उदय काफ्ले , स्वबियु सचिब श्रीजित जंग ढुंगाना ,उत्सब घिमिरे ,रबिन खड्का लगायतको उपस्तिथि रहेको ब्यबस्थापक रामकाजी गिरिले बताए ।
कोनपाना बारिस्ता ट्रेनिङ सेन्टरको सहयोगमा आयोजित तालिममा ७५ जना सहभागीता जनाएका थिए । 
