पछिल्लो समय मुक्तक मोह बढिरहेको छ । साहित्य समाजमा सकारात्मक सन्देश प्रवाह गर्ने गतिलो माध्यम पनि बनिरहेको छ ।
हरेक विषयवस्तुलाई साहित्यको माध्यमबाट उठाएर मुलुकले भोगेको राजनीतिक, सामाजिक, आर्थिक, लैंगिक विभेदलगायत को बिषयमा झटारो हान्ने गरिएको छ । यिनै बिषयबस्तु सग सम्बन्धित रहेको साहित्यिक कृति बिराटनगरमा बिमोचन गरिएको छ । साहित्यकार लक्ष्मी स्मृतिको ‘तमासा’ मुक्तकसंग्रहको शनिबार विमोचन गरिएको हो।
Advertisement
नेपाल मुक्तक प्रतिष्ठान प्रदेश नम्बर १ ले विराटनगरमा आयोजना गरेको कार्यक्रममा प्राज्ञ विवश पोखरेल, प्रतिष्ठानका अध्यक्ष बाबुराम पोखरेल, अग्रज साहित्यकार मधु पोखरेलले ‘तमासा’ मुक्तक संग्रहको विमोचन गर्नुभएको थियो। विमोचित कृतिका बारेमा साहित्यकार हरि कट्टेलले समीक्षा गरेका थिए ।
Advertisement
