झापा । निजी तथा आवशीय बिद्यालय अर्गनाइजेशन नेपाल (प्याब्सन) झापाको बार्षिक कार्यक्रम अन्तरगत प्याब्सन बिर्तामोडको आयोजनामा दुईदिने सांस्कृतिक कार्यक्रम शुरु भएको छ ।
उद्घाटन कार्यक्रममा कक्षा १ देखि ५ सम्मको मोडन नृत्य प्रतियोगितामा बेल्स मोडल स्कूल प्रथम ,चिल्ड्रेन इन्भारमेन्ट द्वितीय र कन्चन बोडिङ स्कूल तृतीय भएका छन् । यस्तै कक्षा ६ देखि ८ सम्मका बिद्यार्थीको सामुहिक राष्ट्रिय नृत्य प्रतियोगितामा न्यूटन्स् एजुकेशन एकाडेमी प्रथम , बुद्ध स्मृति एजुकेशन फाउन्डेसन द्वितीय र चिल्ड्रेन इन्भारमेन्ट तृतीय घोषित भए । बिर्तामोडस्थित कोहेड बिद्यालयमा बुधवार (आज) बाट शुरु भएको नगर स्तरीय नृत्य तथा गायन प्रतियोगिता भोली बिहिबार सम्पन्न गरिने प्याब्सनका नगर अध्यक्ष उत्तम खनालले जानकारी दिए । 
सांस्कृतिक कार्यक्रमको औपचारिक उद्घाटन बिर्तामोड नगरपालिका नगर प्रमुख पवित्रा महतरा प्रसाईले गरेकी थिइन् भने शिक्षा शाखा प्रमुख तिलचन भण्डारीले शुभकामना राखेका थिए । कार्यक्रममा प्याब्सन बिर्तामोड नगर सह–सचिव तथा न्युटन्स एकाडेमी एजुकेशनका प्रिन्सिपल देबेन्द्र हुुमागाईले स्वागत गरेका थिए ।
कार्यक्रममा प्याब्सन झापा सचिव हरिकृष्ण पाठक, न्युटन्स एजुकेशन एकाडेमीकी संस्थापक धर्मा पराजुली प्रसाई, कोहेड स्कुलका प्रिन्सिपल कमल तिम्सिना , कोहेडका संयोजक केशव प्रसाई, बालबालिका शिक्षा सञ्चार मञ्चका संयोजक सरोज पौडेल, चेम्बर्स अफ कमर्सका झापा अध्यक्ष ओम बिमली, उद्यमशील महिला संघ झापा अध्यक्ष पार्वता विमलीलगायतको उपस्थिति रहेको थियो ।
त्यस्तै भोली बिहीवार हुने कार्यक्रम अन्तरगत पहिलो चरणमा १२ बर्षमुनिका र १२ बर्ष माथिका बालबालिकाको गायन प्रस्तुती रहनेछ । त्यसैगरी कक्षा ९ देखि १२ सम्मका बिद्यार्थीको सांस्कृति नृत्य, कक्षा ११ र १२ का बिद्यार्थीको गायन प्रतियोगिता हुने नगर सह–सचिव हुमागाईले जानकारी दिए । नगरमा उत्कृष्ट हुने न्यूटन्स् र बेल्सले जिल्लाको कार्यक्रममा सहभागीता जनाउन पाउने भएका छन् ।
कार्यक्रममा प्रथम ,द्वितीय र तृतीय हुने विद्यार्थी लाई मेडल र बिद्यालय लाई ट्रफी प्रदान गरिएको थियो । कार्यक्रममा प्याब्सनमा आबद्ध संस्थागत बिद्यालयको सहभागीता रहेको नगर सचिव सुरेन्द्र खरेलले जानकारी दिए ।
कार्यक्रमको सञ्चालन सचिब खरेलले गरेका थिए ।
