पूर्व राज्यमन्त्री उमेश श्रेष्ठले भूकम्पमा बाबुआमा दुवै गुमाउने छात्रछात्रालाई २ करोड रुपैयाँको छात्रवृत्ति उपलब्ध गराउने घोषणा गरेका छन् । जाजरकोट र रुकुम पश्चिममा गएको विनाशकारी भूकम्पमा परी बाबुआमाविहीन भएका १० जना छात्रछात्रलाई उच्च माध्यमिक तहसम्म आवासीय सुविधासहितको निःशुल्क शिक्षा प्रदान गरिने उनले जनाएका छन् ।

छात्रछात्रा ५/५ जनालाई एलए गुप्र अन्तर्गतका शिक्षणसंस्थाबाट आवासीय सुविधा सहितको निःशुल्क शिक्षा प्रदान गरिने उनको भनाइ छ । सात जिल्लाका ३ हजार ७७० घरमा क्षति भएको छ। तीमध्ये २ हजार ८३८ घरमा आंशिक क्षति भएको छ भने ९३२ घर पूर्ण क्षति भएको गृह मन्त्रालयले तथ्यांक सार्वजनिक गरेको हो।

Advertisement